NDA BEKALATE watchtower ya nkol
Watchtower
NDA BEKALATE YA NKOL
Bulu
  • KALATE ZAMBE
  • BEKALATE
  • BISULAN
  • Beromain 11
  • Kalate Zambe Nkôñelane ya mfefé émo

Teke vidéo éziñe va

Bia kate yene vidéo wo jeñ.

Minlô mejô ya Beromain

      • Zambe a nji bene bôte bese ya Israël (1-16)

      • Éve’ane ya élé olivier (17-32)

      • Fe’e Zambe é ne nya édo’o (33-36)

Beromain 11:3

Meyemé

  • *

    Lañe’e Atinane bifia.

  • *

    Éfia Grec, psukhê. Lañe’e Atinane bifia, “Ényiñ.”

Beromain 11:9

Meyemé

  • *

    Nkobô Grec, “ma’an.”

Beromain 11:13

Meyemé

  • *

    Nge ke, “wumulu.”

Beromain 11:14

Meyemé

  • *

    Nkobô Grec, “nsône wom ô.”

Beromain 11:17

Bevôm ô ne jeñ minlô mejô mise

  • Ékpwelé asu ayé’é

    Ényiñe Kristen a ésaé nkañete jangan—Kalate bisulan,

    2/2019, afep 6

Beromain 11:18

Meyemé

  • *

    Nge ke, “nkpwala.”

  • *

    Nge ke, “nkpwala.”

Beromain 11:26

Meyemé

  • *

    Nge ke, “Nkôté bôt.”

  • *

    Nalé a tinane na, Israël.

Beromain 11:33

Bevôm ô ne jeñ minlô mejô mise

  • Ékpwelé asu ayé’é

    Meyemé ya Kalate bisulan, 9/2024, afep 7

Beromain 11:34

Meyemé

  • *

    Lañe’e Atinane bifia.

  • Kalate Zambe Nkôñelane ya mfefé émo
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
  • 32
  • 33
  • 34
  • 35
  • 36
Kalate Zambe Nkôñelane ya mfefé émo
Beromain 11:1-36

Kalate Paul a nga tili Beromain

11 Nde ma sili na, Zambe a nji bene bôte bé, sa nalé? Teké’é fo’o! Amu ma fe me ne môte ya Israël, mvoñe bôt Abraham, nda bôte Benjamin. 2 Zambe a nji bene bôte bé a nga taté yem. Ye mi nji yeme jam éfuse ya mintilane ja jô a lat a Élie, éyoñ a nga somane bone be Israël be Zambe? 3 “A Yéhôva,* be nga wôé bekulu mejô bôé, be nga mane tyame beautel bôé, a li’iya ve ma éyoñe ji, be nga jeñe na be wôé fe ma.”* 4 Ve jé Zambe a nga jô nye? A nga jô nye na: “Me li’iya me bili bôte 7 000 be ngenane te kute Baal meboñe si na ba kañe nye.” 5 Nde avale te fe, éyoñe ji a li’iya fe mebuka’a ya ba be nga toban amu beta mvame Zambe. 6 Nge a ne a zene ya beta mvam, a nji beta bo mimboon; nalé momo, beta mvam a ye ke fe beta bo beta mvam.

7 Nde jé? Jôme jia jia ébien Israël a nga kôme jeñ, a nji bi je, ve ba be nga tobane be nga bi je. Ba bevo’o be nga bo ayete minlem, 8 fo’o ve aval é ne ntilane na: “Azukui môse ya den, Zambe a veya be nsisime ya ôyo melom, mise me ne te yen, a melo me ne te wôk.” 9 Nde fe, David a jô na: “E tebele wop a bo’o ôlam a avot a jôm é ne ékolé ôbak, a fonos* asu dap. 10 Mise map me bo’o dibi na me bo te yen a bo kom ése na memvuse map me vitibi.”

11 Nde ma sili na, be nji kolé ôbak aval é ne na be labane tyia, nga? Teké’é fo’o! Ve nkolan ôba’a wop wo soo nyiian asu bôte ya meyoñ, mfa’a ya ndôñelô abane dap. 12 Éyoñe ji, nge nkolan ôba’a wop, wo tinane na bibotan asu bôte ya émo, nge ke na nsé’ane wop wo tinane na, bibotan asu bôte ya meyoñ, ngumane ke njalane tañe wop wo ye tinane na bibotan!

13 Éyoñe ji, ma kobô mia mi ne bôte ya meyoñ. Amu me ne nlôman asu bôte ya meyoñ, a ma nye’e* ésaé nkañete jam 14 mfa’a ya na me yen, nge a zen éziñ, me ne bo na bôte bame be* bo aban a nyii abim éziñe ya be be. 15 Amu nge mbenane wop, wo tinane na nlatane ngbwa asu émo, jé nyoñane wop wo ye tinan, ye sa ke ényiñe zañe bewu? 16 Nde fe, nge éfas ébas é nga nyoñeban ane bembômô bibuma é ne étyi, wôna ébas ése é ne fe étyi, a nge tin élé é ne étyi, mintyaé mi ne fe étyi.

17 Ve nge mintyaé miziñe mi nga tyi’iban, a na wo, ô kusa bo olivier ya afan, ô nga bembe zañe mintyaé mi nga li’i, a na ô ne nyoñe ngap a mintyaé mite na, ô di bidi bia so tin élé olivier, 18 te bo mintyaé melak.* Amu nge ô bo mie melak,* te vuane na tin élé nje é be’e wo, ve sa ke wo ô be’e tin élé. 19 Nde ñhe wo ye jô na: “Be nga tyi’i mintyaé na me bembe.” 20 Wo bele fo’o, a ne amu njembane mbunane wop ñwô ô nga bo na be tyi’i mie, ve wo, ô ne tetele amu mbunan, te bo éngelezek, ve tabe’e ntyel. 21 Amu nge Zambe a nji kamane mintyaé mi mbe valé ôsusua, sa ke wo a ye kamane nye. 22 Nde simesa’ane mbamba nleme Zambe a ayaa dé. Zambe a yaa bôte be nga ku, ve a nga bo wo mbamba nlem, asu na ô tabe mbamba nleme wé éte, nalé momo, wo fe wo ye tyi’iban. 23 A be fe, nge ba beta liti na be bili mbunan, ba ye beta beme be, amu Zambe a bili ngule ya beta beme bôte tin élé. 24 Amu, nge be nga tyi’i wo élé olivier ya afan, ô nga taté be, a nge be nga beme wo élé olivier ya afube be nga bé, ngumane ke mintyaé mi mbe valé ôsusua, mia ye beta bemeban élé olivier mi mbe ôsusua!

25 Amu me nji kômbô na, mi dimine nsolane jame Zambe ô ne étyi wu a bobejañ, na mi bo te bo fe’e mise menane miabebien, Israël a nga bo melo abim éziñ akekui éyoñe tañe bôt ése ya meyoñe ja yiane nyiin é nga jaé, 26 a avale te, Israël ase a ye nyiñ. Fo’o ve aval é ne ntilane na: “Nyii bôtô* a ye so Sion, a ye bo na Jacob* a bo te beta bo mame ma ve Zambe ôlune nlem. 27 Nalé a ne élate jam a be, éyoñe ma ye vaa minseme miap.” 28 Nya ajôô, mfa’a ya mbamba foé, be ne besiñ amu mia, ve mfa’a ya ntobane Zambe, be ne bôte Zambe a nye’e amu bemvamba bap. 29 Amu Zambe a ye ke jôbane mimvean a nga bo be, a nloon a nga loone be. 30 Fo’o ve avale mi nga bo Zambe melo ôsusua, ve éyoñe ji, a litiya mia mvame jé amu melo map. 31 Nde a ko mia éngôngol amu melo bejuif, ve nalé a ne bo na a mvamane fe bejuif. 32 Amu Zambe a nga kañese na bese be tabe mimbô’ô ya melo, ndemben a ne mvamane bese.

33 Yuui! Za aval abui akum, fek a ñyemane Zambe bi ne! Ngo’o avale mintyi’ane mejô mié mi ne teke ayemelan, a mezene mé me ne teke afasé! 34 A nge ke na, “za a kuiya na a yem ôsimesane Yéhôva,* nge ke za a kuiya na a ve nye melep?” 35 Nge ke na, “za a nga taté ve nye jôm éziñe na a yiane nye je bulan?” 36 Amu biôme bise bia so be nye, a bi ne a zene jé, a bi nga téban amu nye. Duma é bo’o be nye nnôm éto a nnôm éto. Amen.

Bekalate ya nkobô bulu (2008-2026)
Kuik
Nyi'in
  • Bulu
  • Lôme'e môt
  • Mam ma dañe nyi
  • Copyright © 2025 Watch Tower Bible and Tract Society of Pennsylvania
  • Metiñ wo yiane yem
  • Metiñe ma kamane wo
  • Paramètres de confidentialité
  • JW.ORG
  • Nyi'in
Lôme'e môt