Atata’a ya ñyemane mejô me Zambe

Kalate Zambe a bili foé Zambe, nge ke na Mejô me Zambe asu bôte ya melu ma. A liti bia aval avé bi ne belane ényiñe jangan mvo’é a aval avé bi ne ve Zambe nleme mvaé. A ve fe biyalane ya minsili mi:

1 Za a ne Zambe?
2 Aval avé ô ne yem za a ne Zambe?
3 Za a nga tili Kalate Zambe?
4 Ye Kalate Zambe ba ñyemane mam ya émo ba kui tyiñ?
5 Foé fé é ne Kalate Zambe été?
6 Kalate Zambe a nga kuli mejô mevé asu Messie?
7 Kalate Zambe a nga kuli mejô mevé asu melu mangan ma?
8 Ye Zambe nnye bia yiane ve mekua ya minjuk miangan?
9 Amu jé môt a binam a tôbane minjuk?
10 Kalate Zambe a jô na ényiñ ya melu m’azu j’aye bo aya?
11 Eyoñe môt a wu, a ke vé?
12 Ye bi ne bi ndi nlem na bewu b’aye wômô?
13 Melepe mevé Kalate Zambe a ve ajô ya ésaé?
14 Aval avé ô ne belane atyeñe mboane mam ô nga bialé de?
15 Aval avé ô ne bi benya mevak?
16 Aval avé ô ne dañe mam ma tyelé wo nleme yôp?
17 Aval avé Kalate Zambe a ne volô nda bôte jôé?
18 Aval avé ô ne subu Zambe bebé?
19 Za jame kalate ase ya Kalate Zambe a kobô?
20 Ô ne bo aya na ô tu’a wô’ô Kalate Zambe éyoñ wo lañe nye?

AVAL Ô NE JEÑE BIFUS YA KALATE ZAMBE

Kalate Zambe a bili bekalate 66. A ne nkabane ngab ébaé. Mintilane ya nkobô hébreu a araméen (“Nnôm Elat”) a mintilane ya nkobô grek (“Mfefé Elat”). Kalate ase ya été a bili bekabetôlô a bifus. Nge ô lañe éyôlé ya kalate, nombo ôsu é ne kabetôlô. Nombo baa é ne éfus. Eve’ane ji: Metata’a 1:1 a tinane na Kalate Metata’a kabetôlô 1, éfus 1.