Ñye’elane 4
Za ane Diable?
Satan Diable—anga so vé? (1, 2)
Aval avé Satan a du’u bôt? (3-7)
Amu jé w’ayiane wosane Satan? (7)
1. Efia éne “Diable” j’atinan na môt a bo njoñ ajô môt mbok. “Satan” a tinane na nsiñ nge na nwosan. Bifia bite bibaé bi nga veban mfa’a ya loene nsiñ ôsu Zambe. Metata’a, anga too mfufup éngele yop été. Mvus y’été, nde anga ke kui nté mebun y’ayi na ékaña’a j’ayiane Zambe é veban be nye.—Matthieu 4:8-10.
2. Engele ate anga belane nyo na a kobô Eve. Medu’ane mé me nga tindi Eve na a bo Zambe melo. Eyoñ a bo ya jamete, Satan anga wosane “étôto’o Zambe”, nje éne éto j’adañ ôyap yôp. Satan anga jô na Zambe a nji jôé avale d’ayian, mfa’a mebu’uban ya bôt a jôé be. Satan anga jô fe na môt a binam éziñ a vo’o bo Zambe mewôk éyoñ ése. Mboan te ônga veñesane Satan na a bo nyô a siñe Zambe. Ajôte nde b’aloene nye na Satan Diable.—Metata’a 3:1-5; Job 1:8-11; Nlitan 12:9.
3. Satan a bo mam mese na bôt be kañe nye. (2 Becorinthien 11:3, 14) Zen jia a du’u bôt éne évus nyebe. Nge nyebe w’aye’ele minsos ajô Zambe, wôna w’abo Satan ésaé. (Jean 8:44) Bôt be ne bivus minyebe be ne buni na b’akañe nya Zambe. Ve Satan nye b’aviane bo ésaé. Satan ane ‘Zambe y’émô ji.’—2 Becorinthien 4:4.
4. Mbelane mimbia minsisim ône zen fe Satan a bo na bôt be nyiine éjôé jé si. Bôt b’éziñ be ne ngul ya loene mimbia minsisim na mi zu ba’ale be, nge bo bôt bevok abé, nge kate mam m’éboban, nge bo mesimba. Mbia ngule Satan nye a tindi avale mimboane mite. Nge bi akômbô ve Zambe nleme mvaé, bi ayiane sa’ale mam mese me tii a mimbia minsisim.—Deutéronome 18:10-12; Mam Minlôman 19:18, 19.
5. Satan a du’u fe bôt éyoñ a bo na be nye’e ayoñe dap alôté nné, a na be nyiine a kañ mengam me politik. Bôt b’éziñ b’abuni na ayoñ dap nge ékôb jap bi adañe bi bôt bevok. Nalé a nji bo zôsôô. (Mam Minlôman 10:34, 35) Bôt bevok b’abuni na mengam me politik me ne mane minjuk ya si nyô. Eyoñ b’asimesan nalé, b’alum éjôé Zambe mvus. Amu nje étam éne susu’a zen ya mane minjuk miangan.—Daniel 2:44.
6. Satan a du’u bôt a zen ya mbia b’asimesan. Yéhova a jô na bi sa’ale mbia be mam amu a yeme na m’ébo bia abé. (Begalate 6:7, 8) Bôt b’éziñ be ne yi na mia be be mi bo avale mam te. Tuka’a ba’ale na Satan nye a yi na ô bo mam me te.—1 Becorinthien 6:9, 10; 15:33.
7. Satan ane fe belane bindeñela’a nge mewosan na ô kandan a Zambe. Bôt b’éziñ wo nye’e be ne vini na ô ye’é Kalate Zambe. Bevo’o be ne kpwe’ele wo. Ve za anga ve wo ényiñ? Satan a yi na ô ko woñ, a jô’é nye’ane mejô me Zambe. Te kañese na Satan a dañ! (Matthieu 10:34-39; 1 Pierre 5:8, 9) Nge ô wosane Satan, Zambe é wô’ô avak, a w’éliti na wo kañese éjôé jé.—Minkana 27:11.
[Eve’ela ya afep 9]
Evus nyebe, mbelane mimbia minsisim, nye’ane ayoñ alôté nné, mam mete ma du’u bôt
[Eve’ela ya afep 9]
Wosa’ane Satan a kele ôsu a jeñ nyeman w’aso be Yéhova