Si Nyô J’akeke Vé?

Môs ôse bi awôk b’angônda mefoé a bitua bi mam ya si se! Mam mete m’atinane jé?

MBA’ALAN ÉNYIÑ MÔT ASE: Mengal m’abam nseñ éwônga. Beye’ele a bongô be sikôlô b’awuane mengal. B’awup bitume bi bone éyoñ bebiaé bap be ne momo. Binga a minôm mi bôt b’awôlé a wup biôm a môs.

AJÔ YA MINYEBE: Menda me Zambe m’asuk mengame bita. Betebe ôsu ya menda me Zambe be bili mekua ajô awu ya ngumba ayoñ. Be fata b’ajô’ôbô bitume bi bon; menda me Zambe m’asolé mbia be mam mete. Abui bôt d’abu’i bisulane; be nga kuane menda me Zambe.

ETABA’A JANGAN: Nombo j’amane bôé mefan, a j’akuane bilé alôté nné. Njeñane kalasini w’abôé mefane a bo si ayete mbéane bidi. Mendime y’anyu me ntoo ayaé, amu menjéñ mendim menga mane ndaman. Kos é nga man asôé amu nsôéan nsul a abui nyoban. Bi avebe abé amu ñyem ô nto mvit abui.

AYET ENYIÑ: Befas mam b’ajô na, môt ase y’éfas Afrika jangan, mbu ôse ya yôp, a belan 280 000 F CFA na a jalé minkômbane mié mise. Njembane bisaé ône amu bemasa b’awup abui be moné. Jamete nde mesu bisaé m’aku fayit. Medu’ane m’abo na bebi moné be mane los nye.

NJEMBAN BIDI: Bebé bôt be milion mintet muam (800 000 000) ya si se b’alôt môs teke di.

BITA: Bôt milion ntet wua (100 000 000) be nga wu bita ntet mimbu ô ndôme lôt. Mesi m’éziñ me bili avale mengal éne bo na si se nyô émane tyamé. Nwôane bôt ô yametetane ya si se.

AKON: Mbômane ya si Panya a nga wôé bôt be mi-lion mewôm me baé a jia (21 000 000) mbu 1918. SIDA a ntoo “beta ôkon a dañe wôé bôt abui melu mangan ma.” Cancer a akon ya nlem b’andeñele bôt si se.

Tuka’a fombô mefoé mese ma. Ye wo buni na mam mete m’akui ve afôla si da? Nge na, ane mam m’akui mesi mese. Ye m’aliti ngumba jam éziñ?

[Encadré a ne afep 5]

Ye Zambe a nyoñ fo’o ngap?

Eyoñ mbia be mam m’akui nge na môt awu be, bôt abui b’asili amu jé Zambe a jô’é na avale mam mete me kui.

Zambe a nyoñe bia ngap. Eyoñ ji, Zambe ave bia benya melebe m’abôé bia minleme si. (Matthieu 11:28-30; 2 Timothée 3:16, 17) A mane ya fe ta’a na nkpwala, akon a awu bii man a kekui nnôm éto. Nta’ane mam wu, w’aliti na Zambe a nji nye’e ngumba ayoñ, ve a yene meyoñ mese, bôt bese a minkobô mise avale da.—Mam Minlôman 10:34, 35.

Avale avé bi ne liti na nta’ane Zambe ône bia mfi? Ye wo yem za ane Nyô a nga té si a yôp? Éyôlé jé éne aya? Nsoñane wôé ône aya? Zambe émien ave biyalane ya minsili mite Kalate w’été. A kate fe bia kalate w’été avale é mane nkpwala, akon a awu. Nge bi akômbô bu’uban mbamba be mam mete, jé bi ayiane bo? Bi ayiane yem nsoñane wôé. Nne bine kômbô bu’uban mbamba be mam bete aya, nge bi nji liti na bine bebuni Zambe? (Jean 3:16; Behebreu 11:6) E ne fe mfi na bi bo nye mewôk. (1 Jean 5:3) Ye ô bili fo’o nkômban y’abo nalé?

Nge bi akômbô yem amu jé Zambe a jô’é mbia be mam, bi ayiane yem asu’ulan éne mfi. Kalate Zambe a kate jam te. Afep 15 ya nsoé kalate wu, bii yem j’éne asu’ulan te.