KABETÔLÔ 16
Yésus a liti na a ne ayôñ asu nya ékaña’a
YÉSUS A FUBU TEMPLE
Éyoñ alu’u ya Cana e maneya, Yésus a ke Capernaoum. Nyia Yésus a bobenyañe bé (Jacques, Joseph, Simon ba Judas) ba be be ba ke dulu nsamba.
Ve amu jé Yésus a ke Capernaoum? Tison éte é ne mfañ a lôte Nazareth nge Cana, a ja dañ anen. A fe, nne abui mimfefé beyé’é be Yésus be too valé, nge fefele Capernaoum. Yésus a ne ñhe ngule ya ye’ele be fefele menda map.
Nté be ne Capernaoum, Yésus a bo fe beta be mam wôé. Ane foé ja mane yametane vôm ate, a mefefel. Ve mbôle Yésus a bemvôé bé be ne Bejuif ba tôñe metiñ, be mbeme zu ke e Jérusalem asu abô’ô Pâque ya mbu 30 É.J.
Nté be ne temple ya Jérusalem, beyé’é be Yésus ba yene fulu fe be Yésus be ngenan teke tame yene be nye.
Atiñe Zambe da jô na bone b’Israël ba yiane ve tit asu metuna’a e temple, a bôte ba so ôyap ba yiane jeñe bidi asu éyoñ ése ba zu tabe valé. Nde Atiñ e nji kamane na bôte ba so ôyap, be za’a Jérusalem, be soo moné na be kuse “beyôm binyaka, nge mintômba,” a mam mefe me ne volô be nté ôse ba ye tabe tison éte. (Deutéronome 14:24-26) Nalé a bo na, bebo makit ya Jérusalem be kuane betit nge anon nseñ ya temple été. Bevo’o ya été ba wube wube bôt a kuane be biôme mbia tañ.
A ôlun ôse, Yésus a kute moné bôte ba folane si, a sô’ôlô fe betebele bap si a titane bôte bete nseñ. Ane Yésus a jô be na: “Va’ane me biôme bite va, te mia bo nda Esaa wom nda minkuan!”—Jean 2:16, Mfefé Nkôñelan.
Éyoñe beyé’é be Yésus ba yene de, ba simesane nkulan ajô a lat a Mone Zambe wo jô na: “Nye’an ma nye’e nda jôé wo ye wôé ma.” Nde Bejuif ba sili nye na: “Za ndem éziñ wo liti bia na wo yiane fo’o bo mame wo bo ma?” Yésus nye na: “Tyamane nda Zambe nyô, ma ye beta telé je tetele ve melu mela mela.”—Jean 2:17-19, Mfefé Nkôñelan; Besam 69:9.
Bejuif ba buni na Yésus a kobô ajô temple ya Jérusalem a tele be ôsu, nde ba sili nye na: “Be nga lôñe temple nyô mimbu mewôm menyin a misaman, ye wo aye lôñe nye melu mela?” (Jean 2:20) Ve Yésus a kobô ajô ya nyule jé ane nda Zambe nge temple. Mvuse mimbu milal, beyé’é bé ba ye simesane bifia bite éyoñ a ye wômô miñwuan.