SIKÔLÔ 15

Liti’i na wo buni mame wo jô

1 Bethéssalonicien 1:5

ÔBALEBAS: Liti’i na wo kôme buni benya mejôô, a na wo yeme mfi ya mame wo ye’ele bôt.

Kôme’e kômesan. Tuka’a yé’é nlô ajô wôé, jeñe’e na ô kôme wôk miñye’elane mia dañe mfi, a aval avé Bible a liti na mi ne été. Va’a ngule ya belane tyôtyoé bifia, a bi bi ne tyi’ibi ya wôk. Dañe’ simesane mame ma ye bo mfi asu bôte ba vô’ôlô wo. Ye’elane Yéhôva, sili’i nye mbamba nsisim.

Éyoñe wo kômesan, kobô’ yôp asu ya na, ô mane yemban ésaé jôé, a na e bo tyi’ibi ya bo je bôt été.
Bela’ane bifia bia liti na wo buni jame wo jô. Te dañe belane ve bifia wo te lañe nkpwase wôé, bela’ane bifia biôé womien. Tobe’e bifia bia liti na wo buni mame wo jô.
Kobô’ô zôsôô été a avale da yian. Bela’ane tyiñe nkobô ja yian. Nge metume ya vôm ô too ma kañese de, kobô’ô ô fombô’ô bôte mis été.

Te vuane na, e liti na ô too ndi a mame wo jô a nji tinane na, ô biasé bôte ba vô’ôlô wo, nge ke na ô yemete be na be bo jam éziñ. Ja’a wo kobô zôsôô été, volô’ô bôte ba vô’ôlô wo na be wô’ôtane nye’ane tyiñe jôé.