“Jamé minseme mi nga bobane melu ya mvus.”

Bi ne bi njamane ya mam abé mangane fo’o ve a zene ya ntañ Yésus a nga ya’an a metyi mé. (Éphé. 1:7) Ve Kalate Zambe a jô na: “Zambe a nga bi nleme wé na a jamé minseme mi nga bobane melu ya mvus,” nalé a tinane na, ôsusua na Yésus a zu ya’ane ntañ. (Rom. 3:25.) Nge Yéhôva a nga jamé minseme miangan ôsusua na Yésus a ya’ane ntañ, aval avé a nga ke ôsu a liti na a ne Zambe ya zôsô?

Yéhôva a nga ka’ale na, a ye ve bôte bese ba ye buni Nye a bengaka’a bé “mvoñe” ja ye nyii be. Éyoñ a nga bo ngaka’a éte, a mbe ve ane be maneya ya’ane ntañ. (Mett. 3:15; 22:18) Zambe a mbe a too ndi na éyoñ éyoñ éte ja ye kui, atyi’i Mone dé da ye ya’ane ntañ a nleme wé ôse. (Gal. 4:4; Héb. 10:​7-10) Éyoñe Yésus a mbe si va, Yéhôva a nga ve nye ngule ya jamé abé bôte be nga bo ôsusua na Yésus a ya’ane ntañ. Yésus a mbe ngule ya jamé abé bôte be mbe be bili mbunan amu a mbe a yeme’e na metuna’a a ye ve ma ye buti minseme miap.—Matt. 9:​2-6.