Yeme’e tebe été bôte ba vô’ôlô wo

1 Bethéssalonicien 2:7, 8

ÔBALEBAS: Liti’ bôte ba vô’ôlô wo na wo nye’e be a na wo kômbô volô be.

AVAL Ô NE BO JAM ETE:

• Taté’é fase miñyiane mi bôte ba vô’ôlô wo. Nté wo kômesan, fase’e minju’u ba tôbane mie a avale ba wô’ôtan.

• Kôme’e tobe bifia wo ye belane bie. Bela’ane bifia bia bôé bôte minleme si, bi bia ve be ngule nyul, a nkômbane ya tyendé. Sa’ale’e bifia bi ne taé be nlem e zezé, te belane bifia bi ne liti na wo biasé bôte be nji bo Bengaa, nge ke mam be nga ye’ele be.

• Liti’ na wo nyoñe ngap a bôte ba vô’ôlô wo. Bela’ane tyiñe nkobô jôé a mo môé asu na, ô liti bôte ba vô’ôlô wo na, wo nyoñe be ngap. Liti’ de a avale wo bo asu dôé, bo’o fe ô muñe.