NLÔ AJÔ 20

Aval avé Ékôane Yéhôva é ne nta’an?

Nyô a ne ntilan

Yéhôva a ne Zambe ya nta’ane mam. (1 Becorinthien 14:33) Ajô te, bebo bisaé bé fe be ne nta’an. Aval avé mekônda Bekristen me ne nta’an? Jé bi ne bo asu na me wulu mvo’é?

1. Za a ne nlô ya akônda?

“Krist a ne nlô ya kirke [nge ke, akônda].” (Beéphésien 5:23) Yésus a ne yôp, ve a wulu ésaé Bengaa be Yéhôva ja bobane si ése. Yésus a nga telé “ôlo ô ne mewôk a fek,” mone nsamba biwôlô bemvendé ba loone fe na Tin ékôan. (Lañe’e Matthieu 24:45-47.) Aval ane minlôman a bemvendé ya ntete mimbu ôsu, Tin ékôan ja wulu Bengaa be Yéhôva ya si ése. (Mam Minlôman 15:2) Ve sake mbe ba jôé bia. Ba tôñe melebe me ne Kalate Zambe été, ba bo fe Yésus mewôk.

2. Ésaé évé bemvendé ba bo akônda?

Bemvendé be ne befam be ne étôtôlô mfa’a ya nsisim. Ba ye’ele bia avale bi ne bo nkômbane Yéhôva, ba ve fe bia ngule nyul. Teke môt a ya’ane be asu ésaé ba bo, ve ba bo je “a nkañesan, aval ane nkômbane Zambe; sa fe amu mvine nyoñan akum, ve a nkômbane ya nlem.” (1 Pierre 5:1, 2) Bediakone be ne befam ya akônda ba su’u bemvendé. Be fe be ne su’ulane bo bemvendé ya akônda.

Tin ékôan ja telé bemvendé béziñ ane bejome mekônda. Ba jome mekônda asu na be nyoñe ngab a bobejañ, a ve be ngule nyul. Bejome mekônda ba belane Kalate Zambe asu na be yeme nge be ne telé fam éziñ mvendé nge ke diakon.—1 Timothée 3:1-10, 12; Tite 1:5-9.

3. Jé Ngaa Yéhôva ése ja bo?

Ngaa Yéhôva ése ja “kañe jôé Yéhôva” éyoñ a tabe bisulan, a éyoñ a ve ngule na a bo ésaé nkañete.—Lañe’e Besam 148:12, 13.

TUKA’A FAK

Yene’ avale ntebe ôsu Yésus a né, a aval avé bemvendé ba jeñe na be vu nye. Yene’e fe aval ô ne bo Yésus mewôk, a su’u bemvendé.

4. Yésus a ne mbamba ntebe ôsu

Lañe’e Matthieu 11:28-30 asu ya na ô yene mbañete Yésus a bo bia. Mvuse ya valé, yala’ane nsili wu:

Aval avé Yésus a yi na bi yene njôane wé?

Aval avé bemvendé ba vu Yésus? Futi’i VIDÉO.

VIDÉO: Ésaé bemvendé be nga bo éyoñ mfô’ôsane si ô nga bobane Népal (4:56)

Bible a kôme ye’ele avale bemvendé ba yiane bo ésaé.

Lañe’e Ésaie 32:2 a 1 Pierre 5:1-3, mvuse ya valé, yala’ane minsili mi:

Wo wô’ôtan aya éyoñe wo yen ane bemvendé ba vu Yésus mfa’a ya su’u bôte bevok?
Jé éfe bemvendé ba bo mfa’a ya liti na ba vu Yésus?

5. Bemvendé ba liti zen

Aval avé Yésus a yi na bemvendé be bo ésaé jap? Futi’i VIDÉO.

VIDÉO: A bemvendé, lita’ané mintômba zen! (7:39)

Yésus a nga liti aval avé bemvendé ba yiane wulu mekônda. Lañe’e Matthieu 23:8-12, mvuse ya valé, yala’ane nsili wu:

Nsela’ane mbé wo yen éyoñe wo ve’e mame Bible a jô na bemvendé ba yiane bo, a mame betebe ôsu ya miñyebe miziñ ba bo?

A. Mam bia yene befôtô: Mvendé ja wônô mbunane wé a wu bôte ya nda jé. 1. A ye’elan ôsusua na a yé’é Kalate Zambe. 2. Ba minga wé ba ye’ele ngo jap mejô me Zambe.

B. Mvendé éte ba minga wé ba jome nkôkone sita ya akônda dap nda biañ.

Bemvendé ba ba’ale ngul élat a Yéhôva, ba volô fe menda me bôte map na me yem nsisim
Bemvendé ba nyoñe ngab a bôte bese ya akônda
Bemvendé ba kañete mejô me Zambe mban
Bemvendé be ne beye’ele, ve ba nyoñe fe ngap ésaé mfuban ya Aba éjôé, a bisaé bife

6. Bi ne saé fufulu a bemvendé

Bible a liti bia amu jé e ne mfi na bi bo bemvendé mewôk. Lañe’e Behébreu 13:17, mvuse ya valé, yala’ane minsili mi:

Amu jé Bible a jô na bi bo ba be tele bia ôsu mewôk? Wo yene jam ete aya?

Lañe’e Luc 16:10, mvuse ya valé, yala’ane nsili wu:

Amu jé e ne mfi na bi bo bemvendé mewôk kom ése, to’o éyoñe ba nyoñe mintyi’ane mia fombô bone be mam?

BÔTE BÉZIÑ BA JÔ NA: “E nji bo mfi na ô ke ñyebe éziñ.”

Amu jé e ne mfi na ô kañe Yéhôva ékôane jé été a bebo bisaé bé bevok?

ÔBALEBAS

Yésus nnye a ne nlô ya akônda, ajô te bi ne meva’a ya saé fufulu a bemvendé a nga telé akônda été, amu ba ve bia ngule nyul a liti bia mbamba éve’ela.