Mbaptizô ô ne nya mfii ényiñe jôé!

Yésus a nga jô na Bekristen ba yiane baptizôban. (Lañe’e Matthieu 28:​19, 20.) Jé ñhe é ne mbaptizô? A jé ñyé’é Bible a yiane bo asu na a tôé nsôñan ôte?

1. Jé é ne mbaptizô?

Éfia “mbaptizô” ja so éfia Grec ja tinane na “e dup” mendim été. Éyoñe Yésus a nga baptizôban, be nga dube nye ôsôé ya Jourdain, mvuse ya valé ane a nga “kôlô mendim.” (Marc 1:​9, 10) Aval ete da da, éyoñe benya Bekristen ba duban, ba dube be mendim été.

2. Jé môt a duban a liti?

Éyoñe môt a duban, a liti mengana’a bôt été na a veya émien ngumba be Yéhôva. Aval avé môt a ve émien ngumba be Yéhôva? Ôsusua na a duban, a kate Yéhôva meye’elane na, a nyoñeya ntyi’ane na a zu bo nye ésaé ényiñe jé ése. A ka’a Yéhôva meye’elan été na, nnye étam a zu kañ, a na nkômbane Wé étam ñwô é telé ôsu ényiñe jé. A tobe fe na a “nyum émien mam, a bo ane” Yésus, a tôñe miñye’elane mié. (Matthieu 16:24) E ve womien ngumba be Yéhôva a baptizôban a volô na, ô bi mbamba élat a Yéhôva a bebo bisaé bé bevok.

3. Jé môt a yiane bo ôsusua na a duban?

Ôsusua na môt a duban, a yiane ke ôsu a yé’é na a yeme Yéhôva, a bi ngule mbunan. (Lañe’e Behébreu 11:6.) Nté wé ke ôsu a yeme Yéhôva, a yemete mbunane wôé, nde fe nye’an wo nye’e nye wo ye yaé nalé. Teke bisô na, wé kômbô kate bôt mam ô yé’éya a lat a Yéhôva, a tôñe miñye’elane mié. (2 Timothée 4:2; 1 Jean 5:3) Éyoñe môt a “wulu ane da yian be Tate, aval ese a nye’e,” a ye kômbô ve émien ngumba be Zambe, a baptizôban.​—Becolossien 1:​9, 10.a

TUKA’A FAK

4. Mbaptizô Yésus wo ye’ele bia abui mam

Lañe’e Matthieu 3:​13-​17 asu na ô yem abui mam afe a lat a mbaptizô Yésus. Mvuse ya valé, yala’ane minsili mi:

• Ye Yésus a nga duban a too mon?

• A nga duban aya? Ye be nga miame nye ve bone mendim nlô?

Yésus a nga taté na a bo ésaé Zambe a nga lôme nye na a zu bo si va éyoñ a nga duban. Lañe’e Luc 3:​21-​23 a Jean 6:​38, mvuse ya valé, yala’ane nsili wu:

• Éyoñ Yésus a nga duban, ésaé évé a nga telé ôsu ényiñe jé?

5. Ô ne tôé nsôñane ya duban

Éyoñ wo wô’ ajô mbaptizô, ô ne taté ko woñ, ve nge ô kele ôsu a yé’é Kalate Zambe, wé bi ngule ya nyoñe beta ntyi’an ate. Asu na ô yene bôte béziñ be nga bo de, futi’i VIDÉO.

VIDEO: Aval avé ô ne bo mvôé Yéhôva? (1:11)

Lañe’e Jean 17:3 a Jacques 1:​5, mvuse ya valé, yala’ane nsili wu:

• Jé é ne volô môte na a duban?

1. Môt a ve émien ngumba be Yéhôva éyoñ a kate Yéhôva na a zu kañe ve nnye étam nnôm éto

2. Éyoñ bia duban, bia liti mengana’a bôt été na bi veya biabebien ngumba be Yéhôva

6. Mbaptizô wo ve wo fane ya bo ébu’a ya nda bôte Yéhôva

Éyoñe wo duban, wo bo ébu’a jia ya beta nda bôt é ne nlatan si se. Bi kusa so bevôm bevôm, bia bese bi bili mbunane wua a bia tôñ avale metiñe da. Lañe’e Besam 25:14 a 1 Pierre 2:​17, mvuse ya valé, yala’ane nsili wu:

• Aval avé mbaptizô wo tyendé élat môt a bili a Yéhôva a bebo bisaé bé bevok?

ÔBALEBAS

Yésus a nga jô na Bekristen bese ba yiane baptizôban. Asu na môt a bo de, a yiane yé’é memvinda me Yéhôva, a tôñe me, a ve fe émien ngumba be Yéhôva.

Ô ne yalan aya?

• Jé é ne mbaptizô, a amu jé ô ne mfi?

• Jé mbaptizô wo liti?

• Jé môt a yiane bo ôsusua na a ve émien ngumba be Yéhôva, a baptizôban?

MAM MEFE ME NE VOLÔ WO

Yene’e nya atinane ya mbaptizô.

“Qu’est ce que le baptême?” (Ô ne koone nye anjeñe mefoé dangan)

Yene’e mam me ne volô môte na a baptizôban.

“Nye’an môt a nye’e Yéhôva wo yiane tindi nye na a duban” (Nkume mmombô a bete ya Ngone lale, mbu 2020)

Yene’e mam me nga bo na môt éziñ a nyoñe ntyi’an ya duban.

“ils voulaient que je découvre la vérité par moi-même” (Nkume mmombô a bete ya Ngone baa é too alu 1, mbu 2013)

Yene’ amu jé e ne mfi na ô baptizôban, a mam me ne volô wo na ô tôé nsôñan ôte.

“Devrais me faire baptiser?” (Les jeunes s’interrogent. Réponses pratiques, Volume 2, kabetôlô 37)