Kate’e bôte mame ma nambe be minlem

Jame Yésus a nga bo

VIDÉO: Yésus ba minga ya anjeñ

1. Yene’e VIDÉO, nge ke na lañe’e Jean 4:​6-9. Mvuse ya valé fase’e minsili mi:

1. Jé Yésus a nga taté fombô be minga ya anjeñ ôsusua na a taté minlañ a nye?

2. Yésus a nga jô na: “Va’a ma mendime ya nyu.” Amu jé mejô mete me mbe mbamba zene ya taté minlañ?

Éve’ela Yésus ja ye’ele bia jé?

2. Bia fe bi ne yeme laan a bôt, nge bia taté minlañ a mame ma nambe be minlem.

Bo’o ane Yésus

3. Bo’o ébubut. Te jeñe na ô belane ve nlô ajô wo te mane kômesan. Taté’é minlañ a jame bôte bevo’o ba yem a fas a lat a melu ma. Sili’i womiene na:

1. ‘Mefoé ma kobô ajô jé?’

2. ‘Bôte ya vôme ma nyiñ, bôte bia be be bia saé, nge ke bongô be sikôlô bevo’o ba kobô ajô jé?’

4. Bo’o atyeñe meyen. Sili’i womiene na:

1. ‘Jé môte nyi a bo awolo ébiene di? A yiane fas ajô jé éyoñe ji?’

2. ‘Biyé bié, éyeka’a jé nge nda jé bia ye’ele ma jé a lat a mam a buni nge ke a lat a metume mé?’

3. ‘Ye éyoñe ji nje ma yiane ke laan a nye?’

5. Vô’ôlô’ô.

1. Te dañe kobô.

2. Va’a môte ngule nyule na a kate wo mame me ne nye nlem été. Nge nalé a yian, sili’i nye minsili.