Yeme’e wô’ô bôt éngôngol

Jame Yésus a nga bo

VIDÉO: Yésus a wô’ô nsamba bôt éngôngol

1. Yene’e VIDÉO, nge ke na lañe’e Marc 6:​30-34. Mvuse ya valé fase’e minsili mi:

1. Amu jé Yésus ba minlômane mié be nga yi na ba ke “vôme be ne ve bebe”?

2. Jé é nga tindi Yésus na a ye’ele nsamba bôt?

Éve’ela Yésus ja ye’ele bia jé?

2. É ne été na bia yiane kañete bôte mbamba foé, ve bia yiane fe jeñe na bi volô be.

Bo’o ane Yésus

3. Nyoñe’e éyoñe ya vô’ôlô. Va’a môte fane ya kate wo mame me ne nye nlem été. Te tyi’i nye nkobô, te biasé mame ma tyelé nye nleme yôp, minju’u mié nge ke mame ma bo na a bene nyoñe wo mvo’é. Éyoñe wo kôme nyoñ éyoñe ya vô’ôlô nye, wo liti na wo nyoñe ngap a asimesane dé.

4. Te vuane môt a te liti na a nye’e minlañe mia nye mia laan. Éyoñe wo fase minlañe mia nye mia te bi, sili’i womiene na:

1. ‘Amu jé a yiane wô’ô benya mejôô?’

2. ‘Aval avé ayé’é Kalate Zambe da ye bo na, ényiñe jé ya môs ôse a ji ya melu ma zu é bo abeñ?’

5. Kate’e môte mame ma jalé miñyiane mié. Nné ane wo bi fane ya bo de, liti’i nye aval ayé’é ya Kalate Zambe é ne ve nye biyalane ya minsili mié, a mbamba melep asu ényiñe ya môs ôse.