Jeñe na ô bi mefulu me môta Zambe​—Éjoté nyul

AMU JÉ É NE MFI:

• Éjoté nyul ja bo na, bi bo nya amvôé a Yéhôva.​—Bs 138:6

• Éjoté nyul ja volô na, bi bo nya mvôé a bôte bevok.​—Bep 2:3, 4

• Mebun ma ke bia njañan.​—Min 16:18; Éz 28:17

AVALE ME NE BI JE:

• Sili’i melep, a tôñe me.​—Bs 141:5; Min 19:20

• Volô’ô bôt a nlem ôse, mboane bisaé ya mo.​—Mt 20:25-27

• Te jô’é na, mimbe’e ô bili a mam wo yeme bo, me bete wo nlô, a bo na, ô bo mebun.​—Bero 12:3

YENE VIDÉO, SA’ALE MEFULU ME NE KAMANE WO NA, Ô KE ÔSU A WULU BA’ABA’A A YÉHÔVA​—MEBUN, A MVUSE YA VALÉ, YALA’ANE MINSILI MI:

• Avale bia nyoñe melep da liti na, bi ne avale môt avé?

• Aval avé meye’elan me avolô bia na, bi bi fulu éjoté nyul?

• Mezene mevé bi ne liti na, bi ne éjoté nyul?