Enjeñané na bi bo atyeñ ésaé nkañete​—Bi ye’ele bôte bia be be bia yé’é Bible na be kômesan ayé’é

AMU JÉ JAM ETE E NE MFI: Éyoñe bôte mia be be mia yé’é Bible ba kômesan ayé’é dap, ba tu’a wô’ô mame ba yé’é, a ba ye ke vuane me. Mongô sikôlô a kôme wôk, a ba’ale mam a yé’é, a ye yaé nsisim avôl avô. To’o éyoñ a dubaneya, a yiane kômesane bisulan, a nkañete asu ya na a ‘ke ôsu a mombô.’ (Mt 25:13) E yeme yé’é, a e bi mbamba nta’ane mam asu ayé’é aye bo mfi ényiñe jé ése. Éyoñe bia taté ayé’é a môt éziñ, bia yiane volô nye na a bi fulu ya kômesan ayé’é Kalate Zambe dé.

AVALE BI NE BO:

• 

  Bo’o mbamba éve’ela. (Bero 2:21) Simesa’ane môte mia nye mia yé’é éyoñ ése wo kômesan ayé’é dé. (km 11/15 p. 3) Liti’i nye avale womiene wo te kômesane kalate wôé

• 

  Liti’i nye mfi ya kômesan ayé’é. Éyoñe mi kômeya taté ayé’é, kate’e nye na, nkômesane ya ayé’é dé, ô ne ngabe jia ya ayé’é Kalate Zambe dé, liti’i fe nye bibotan a ye bi nge a bo de. Va’a nye melebe ma ye volô nye na a bi éyoñe ya kômesan ayé’é, ja’a a bili abui mam mefe ya bo. Awolo ayé’é, bobejañe béziñ be nga yene mvaé ya ve môte ba be nye ba yé’é, kalate wop a ne nkômesan, asu ya na be liti nye mfi ya kômesan. Se’e nye éyoñ a te kômesan ayé’é dé

• Liti’i nye aval émien a ne kômesan. Ayé’é ôsu, bobejañe bevo’o be wô’ô ye’ele môte ba be be ba yé’é aval a yiane kômesan ayé’é dé