Ye’ele’e a ayôñ ése

Éyoñe bi ne ôsesa, nalé a bo na bôte be kômbô vô’ôlô bia. Môt a bo ésaé nkañete a ayôñ ése a liti na a nye’e foé a kañete. Môt ase ya be bia a ne ngule ya bo ôsesa. (Bero 12:11) Aval avé bi ne bo de?

Jam ôsu, fase’ abim avé foé wo kañete é ne mfi. Ye wo yeme fo’o na ô bili mvome ya kañete “meva’a foé ya mbamba be mam”? (Bero 10:13, 14) Jame baa, foé bia kañete ja volô bôte na be bi mbamba ényiñ. Ajô te, ba yiane vô’ôlô jam ô bili na wo kañete be. (Bero 10:13, 14) Nde ñhe, kobô’ a ayôñ ése, fô’ôsane nyul aval ô wô’ô jaé zu wo bo éyoñe wo laane minlañ, da sili fe na asu dôé é liti na wo nyoñe ngab a môte mia nye mia laan.

YENE’E VIDÉO A NE NLÔ AJÔ NA YENE’E AVA’A YA BO BÔTE BEYÉ’É​—BO’O ATYEÑ ÉSAÉ NKAÑETE​—YE’ELE’E A AYÔÑ ÉSE, MVUSE YA VALÉ YALA’ANE MINSILI MI:

• 

  Jé é nga ye bo na Neeta a jañele ôsesa wé?

• 

  Jé é nga volô nye na a beta bo ôsesa?

• 

  Amu jé bia yiane dañe fombô ve mbamba mefulu bôte bia be be bia yé’é?

• Môt a ye’ele a ayôñ ése a ne volô ñyé’é Bible wé aval avé?