Jé Yésus a nga bo éyoñ a mbe si va?

Éyoñ bôte ba simesane Yésus, abui da yene nye ane nkeñelé mon, bevok ane beta nkulu mejô, ba bevo’o ke ane môt a nga wu awu mintaé. Jé bi ne yé’é a lat a Yésus nge bia tu’a fas ényiñe jé éyoñ a mbe si va? Nlô ajô wu, wo zu yene beta be mam béziñ Yésus a nga bo, a aval avé be ne volô wo.

1. Ésaé évé é mbe é dañe mfi mise me Yésus?

Ésaé Yésus a nga dañe telé ôsu é mbe na a “kate bôt mbamba foé ya Ayoñe [nge ke Éjôé] Zambe.” (Lañe’e Luc 4:​43.) A nga kañete na Zambe a ye telé éjôé ja ye mane vaa minju’u mise ya si nyi.a Yésus a nga ve ngule jé ése na a kañete mbamba foé ate tañe mimbu milal a étun.​—Matthieu 9:​35.

2. Jé mesimba Yésus a nga bo me nga liti?

Bible a kobô ajô ya “bitua bi mam a mam bôt be nga semen, a mendem, mame mete Zambe a nga bo [a zene ya be Yesus].” (Mam Minlôman 2:​22) A ngule Zambe a nga ve nye, Yésus a nga bame ôkôs, a ve betoyini be bôt bidi, a saé minkôkon, a wômôlô fe bewu. (Matthieu 8:​23-​27; 14:​15-​21; Marc 6:​56; Luc 7:​11-​17) Mesimba Yésus a nga bo me nga liti ne fômelé na Zambe nnye a nga lôme nye. Me nga liti fe na Yéhôva a bili ngule ya vaa minju’u mise ya si nyu.

3. Jé ényiñe Yésus ja ye’ele bia?

Yésus a nga bo Yéhôva mewôk ényiñe jé ése. (Lañe’e Jean 8:​29.) Akusa bo étibela’a, Yésus a nga bo nkômban Ésaa wé akekui awu. A nga liti na môt a ne bo Zambe ésaé to’o a tele meve’ele été. Yésus a nga li’i bia “éve’ela, nde [bia] ye tône bibô’a mebo bié.”​—1 Pierre 2:​21.

5. Yésus a nga ve mbamba melep

Ane ô vaa na Yésus a nga kañete mbamba foé, a nga ve fe bia mbamba meleb ma volô bia na bi yeme nyiñ a bôte bevok. Bia koone melebe méziñe ya été nkañete a nga bo nkôle yôp. Lañe’e Matthieu 6:​14, 34 a 7:12, mvuse ya valé, yala’ane minsili mi:

• Melebe mevé Yésus a ve bifuse bi?

• Ye wo simesane na melebe mete me ne volô bia den?

6. Yésus a nga bo mesimba

Yéhôva a nga ve Yésus ngule ya bo abui mesimba. Lañe’e Marc 5:​25-​34 asu na ô yen asimba éziñ Yésus a nga bo, nge ke futi’i VIDÉO. Mvuse ya valé, yala’ane minsili mi.

VIDÉO: Yésus a saé nkôkone minga (5:10)

• Nkôkone minga ô mbe ô bili ndi nleme fé?

• Jé nje wo te nye’e vidéo ate?

Lañe’e Jean 5:​36, mvuse ya valé, yala’ane nsili wu:

• Mesimba Yésus a nga bo ma liti na ngule jé ja so be za?

ÔBALEBAS

Yésus a nga kañete mbamba foé ya Éjôé Zambe, a bo mesimba, a bo fe Yéhôva mewôk ényiñe jé ése.

Ô ne yalan aya?

• Ésaé évé Yésus a nga dañe bo éyoñ a mbe si va?

• Jé mesimba Yésus a nga bo ma liti?

• Mbamba melebe mevé Yésus a nga ve bia?

MAM MEFE ME NE VOLÔ WO

Yésus a nga dañe kobô ajô jé?

“Le Royaume de Dieu : que peut-il vous apporter ?” (Nkume mmombô a bete ya Ngon awômô é too alu 1, mbu 2014)

Yene’ amu jé bi ne tabe ndi na mesimba me Yésus mese me nga boban.

“Les miracles de Jésus : que vous enseignent-ils ?” (Nkume mmombô a bete ya Ngone zangbwal é too melu 15, mbu 2004)

Yene’ aval avé ényiñe môt éziñ é nga tyendé éyoñ a nga yen aval Yésus a mbe a nye’e bôt.

“Je ne vivais que pour moi” (Nkume mmombô a bete ya Ngon awômô é too alu 1, mbu 2014)

Yene’e beta be mame be nga boban ényiñe Yésus ataté abialé dé, akekui éyoñ a nga bulane yôp.

“Principaux évènements de la vie terrestre de Jésus” (Les Saintes Écritures Traduction du Monde Nouveau, Appendice A7)