-
Aval avé bi ne bo mfubane mise me Zambe?Bu’uban ényiñ nnôm éto!—Asu ayé’é Kalate Zambe
-
-
4. Wosa’ane mbia mefulu
Yéhôva a ne volô wo na ô wosane mbia mefulu mese ô ne bi
Nge ô bili fulu ya nyu sika nge ke banga, wo yiane yem abim avé e ne ayaé na môt a wosane mbia fulu ate. Jé é ne volô wo? Simesa’an abim avé mbia fulu ate a ne ndamane nyule jôé. Lañe’e Matthieu 22:37-39, mvuse ya valé, yene’ aval avé sika, ta’a, a banga bi ne . . .
ndaman élat jôé a Yéhôva.
ndeñele bôte ya nda bôte jôé a bôte ba bômane wo.
Yene’e mam ô ne bo asu na ô wosane mbia fulu éziñ.a Futi’i VIDÉO.
Lañe’e Bephilippien 4:13, mvuse ya valé, yala’ane nsili wu:
Aval avé mban meye’elan, ayé’é Kalate Zambe, a ntabane bisulan, bi ne volô môte na a wosane mbia fulu éziñ?
5. Wosa’ane mbia b’asimesan a mbia mimboon
Lañe’e Becolossien 3:5, mvuse ya valé, yala’ane minsili mi:
Aval avé bia yeme na bingengeñe bia liti mvine mame ya bisôk, fulu ya mieneke soé, a bekalate bôte be wô’ô lôme nkol asu na be kobô ajô mvine mame ya bisôk, bi ne abé mise me Yéhôva?
Ye wo simesane na e ne mvo’é na Yéhôva nnye a kate bia mam me ne abé nge ke mvo’é? Amu jé?
Yene’ aval avé ô ne wosane mbia b’asimesan. Futi’i VIDÉO.
Yésus a nga belan éve’an éziñ asu na a liti mfi ya bo mam ma sili asu na bi ba’ale biabebien mfuban mfa’a ya nsisim. Lañe’e Matthieu 5:29, 30, mvuse ya valé, yala’ane nsili wu:
Yésus a nji be a kômbô’ô jô na bia yiane ju’u biabebien, ve a mbe a jô’ô na bia yiane ve ngul asu na bi wosane mbia mefulu. Aval mam avé ô ne bo asu na ô wosane mbia b’asimesan?b
Nge wo ve ngule na ô wosane mbia b’asimesan, Yéhôva é botane wo. Lañe’e Besam 103:13, 14, mvuse ya valé, yala’ane nsili wu:
Nge ô tatéya na wo wosane mbia fulu éziñ, aval avé éfuse ji é ne ve wo ngule ya ke ôsu a bo de?
Te ve’ele bili atek!
E ne kui na bi ji’a jô na ‘Jame di e kateya ma, ma zu jô’é de.’ Ve tame fas éve’an ji: Nge mmate mbil a kolé ôbak a ku mbek, nalé a tinane ki na a vo’o dañe mbil ôte, nge ke na a yiane beta ke taté mbil. Avale te da da, nge ô beta bo jam wo wosane de, nalé a tinane ke na ô vo’o wosane mbia fulu ate môs éziñ, nge ke na ngul ése ô veya asu na ô wosane mbia fulu ate é ne zezé. E ne kui na ô beta bo jam wo wosane de. Ajô te, wo yiane ki bili atek. Yéhôva é volô wo na ô wosane mbia mefulu mete.
-
-
Jé Kalate Zambe a jô a lat a nyuane meyok?Bu’uban ényiñ nnôm éto!—Asu ayé’é Kalate Zambe
-
-
6. Jé é ne volô môte na a telé mbia nyuane meyok?
Yene’e jam e nga volô môt éziñe na a telé mbia nyuane meyok. Futi’i VIDÉO, mvuse ya valé, yala’ane minsili mia tôé valé.
Aval avé Dmitry a mbe a bo’o éyoñ a maneya nyu meyok?
Ye a nga kui na a ji’a telé nyuane meyok?
Jé é nga volô nye na a su’ulane kôlô éto ôlo meyok?
Lañe’e 1 Becorinthien 6:10, 11, mvuse ya valé, yala’ane minsili mi:
Amu jé nso’one meyok ô ne abé?
Jé ja liti na môt a nyu meyo’o mbia nyuan a ne ngule ya tyendé?
Lañe’e Matthieu 18:8, mvuse ya valé, yala’ane nsili wu:
E ‘tyi’i wo’ a tinane na bia nyume biabebien mam asu na bi ve Yéhôva nlem avak. Jé ô ne bo nge wo juan a fulu ya nyu meyok mbia nyuan?a
Lañe’e 1 Becorinthien 15:33, mvuse ya valé, yala’ane nsili wu:
Jé é ne kui wo nge wo yeñ a bôte ba nyu meyok mbia nyuan?
-