-
Amu jé wo yiane ve womien ngumba be Yéhôva a duban?Bu’uban ényiñ nnôm éto!—Asu ayé’é Kalate Zambe
-
-
2. Bibotane bivé Yéhôva a ve bebo bisaé bé be dubaneya?
Éyoñ wo duban, wo bo ébu’a ya nda bôte Yéhôva. Nalé a bo na ô bu’ubane nye’ane wé abui mezen, a na ô tu’a nye subu bebé. (Lañe’e Malachie 3:16-18.) Ane ô vaa na Yéhôva é bo Ésaa wôé, wé bi fe beta nda bôte ya nsisim a too njalan a bobejañ a besita ya si se meku’u menyin ba nye’e nye a ba nye’e fe wo. (Lañe’e Marc 10:29, 30.) Ve ôsusua na wo baptizôban, wo yiane bo mam méziñ. Wo yiane yé’é mam a lat a Yéhôva, a jeñe na ô nye’e nye. Wo yiane fe liti na wo buni Mone wé. Mvuse ya valé, wo yiane ve womien ngumba be Yéhôva. Nge ô bo mam mete mese, éyoñe te fe wo duban, wo ye wulu zene ja kee wo ényiñe ya melu mese. Kalate Zambe a jô na: “Mbaptizô . . . [wo] nyii mia éyoñe ji.”—1 Pierre 3:21.
-
-
Ô ne dañ étibila’aBu’uban ényiñ nnôm éto!—Asu ayé’é Kalate Zambe
-
-
Yésus a mbe a kôme yeme na menda me bôte mangan me ne bo teke kômbô su’u ntyi’an bi nga nyoñe na bia kañe Yéhôva. Lañe’e Matthieu 10:34-36, mvuse ya valé, yala’ane nsili wu:
Jé nda bôt é ne bo nge môt éziñ ya été a tyi’i na a kañe Yéhôva?
Asu na ô yen éve’an, futi’i VIDÉO, mvuse ya valé, yala’ane nsili wo tôé valé.
Jé ô ne bo nge môte ya nda bôte jôé nge ke mvôé jôé ja kômbô kamane wo na ô kañe Yéhôva?
Lañe’e Besam 27:10 a Marc 10:29, 30. Éyoñ ô lañeya éfuse jia, ô yalane nsili wu:
Aval avé ngaka’a nyi é ne volô wo nge wo tôban étibila’a é so’o nda bôte jôé été nge ke bemvôé bôé?
-