NDA BEKALATE watchtower ya nkol
Watchtower
NDA BEKALATE YA NKOL
Bulu
  • KALATE ZAMBE
  • BEKALATE
  • BISULAN
  • jy kab. 96 afep 224-afep 225 § 7
  • Yésus a yalan ésoé njôô é ne nkukum

Teke vidéo éziñe va

Bia kate yene vidéo wo jeñ.

  • Yésus a yalan ésoé njôô é ne nkukum
  • Yésus: Zen, benya mejôô, ényiñ
  • Avale mame da
  • Beta nkañete ya Nkôle yôp
    Yésus: Zen, benya mejôô, ényiñ
Yésus: Zen, benya mejôô, ényiñ
jy kab. 96 afep 224-afep 225 § 7
Ésoé njôô a ne nkukum a kute Yésus meboñ si nté a laan a nye

KABETÔLÔ 96

Yésus a yalan ésoé njôô é ne nkukum

MATTHIEU 19:16-30 MARC 10:17-31 LUC 18:18-30

  • NKUKUME MÔT WO SILI YÉSUS MINSILI A LAT A ENYIÑE YA NNÔM ÉTO

Yésus a nga’an a kele’e dulu a kôlô Pérée na a ke Jérusalem. Nkukume môt wo mate a zu ku nye mebo si. Môt ate a ne “ntebe ôsu” wua a yiane saé ane évet e synagogue, nge ane ébu’a jia ya Sanhédrin. A sili na: “A mbamba ñye’ele, ma yiane bo jé na me nyoñ ényiñe ya nnôm éto ane ngap?”​—Luc 8:41; 18:18, Mfefé Nkôñelan; 24:20.

Yésus nye na, “Amu jé wo loone ma mbamba? Teke môt a ne mbamba, nga ve Zambe étam.” Ésoé ndôman ji ja yiane belan éyôlé mese’esa “mbamba” éte ane be wô’ô zu ba loone beta be bôt, ane berabbin. Akusa bo Yésus a ne fo’o mbamba ñye’ele, a bo na môt ate a yeme na, Zambe étam nnye a yian éyôlé mese’esa “Mbamba.”

Yésus a lebe nye a jô’ô na: “Nge wo akômbô yen ényiñ, ba’ale’ metiñe me Zambe.” Nde ésoé ndôman éte ja sili nye na: “Metiñe mevé?” Yésus a lañe nye Metiñ Awôm me fombô’ô ñwôéane bôt, mejian, wup, e bôté môt ajô, a e semene bebiaé. Ane a beta ba’a atiñ afe da dañe mfi a jô’ô na: “Nyeke’e bôte befe ane wo anye’e womien.”​—Matthieu 19:17-19.

Nde môt a yalan a jô’ô na: “Me ba’aleya mam mete mese; jé éfe ja beta jembane ma?” (Matthieu 19:20, Mfefé Nkôñelan) A ne buni na, a yiane bo beta jam mfe a dañe ma a tameya zu a bo asu na, a bi ényiñe ya nnôm éto. Mbôle Yésus a yemelane na, a kômbô fo’o yeme jam a ne bo, nde Yésus a ‘liti ndoman éte nye’an.’ (Marc 10:21) Ve jame da, môt ate a bili jôm éziñ é ne nye ékolé ôbak.

Môt ate a nye’e akume dé abui, nde Yésus a jô nye na: “Jam daada e li’iya e jemba’ane wo: kelek, e biôme bise ô bili, ku’ane bie, a ve bie minzôzoé, nalé wo ye bi akum e yôp, éyoñe te ô zu wo tôñe ma.” Ôwé, môt ate a ne kab akume dé be minzôzoé, amu be nji bo ngule ya ve nye jôm éziñ mvus a bo ñyé’é Yésus. Ve, Yésus a yen ane a kolô si asu é to mbot a ke zene jé. Môt ate a “bili abui akum” a nalé a bo na a bo te yene jam da dañe mfi. (Marc 10:21, 22, Mfefé Nkôñelan). Amu jam ete Yésus a jô na: “Abim ayaé e né e be ba be bili akume na be nyiin éjôé Zambe.”​—Luc 18:24, Mfefé Nkôñelan.

Bifia bite bia bo na beyé’é be kam, a jam a jô fe mvuse ya valé na: “Da dañe tyi’ibi na kamel a tulan abé ôndôndo, a dañe na nkukum ô nyiin éjôé Zambe.” Nalé a bo na beyé’é be sili na: “Ajô te za a ne ngule ya nyiiban?” Ye e bi ényiñ a ne jame da dañ ayaé aval é ne na môt éziñ a vo’o kui na a bi je? Yésus a fombô be ne toñ, a jô na: “Jam e se ngule ya boban e be bôt, e ne boban mfa’a Zambe.”​—Luc 18:25-27, Mfefé Nkôñelan.

Pierre a liti na be ba te nyoñe ntyi’ane wo selane wu nkukume môt a jô’ô na: “Tame yen, bi maneya li’i mam mese a tôñe wo, za jame ñhe da yange bia?” Yésus a liti ma’ane ma yange be, a jô na: “Mia mi maneya tôñe ma, éyoñe mam ma ye bobane mimfefé, éyoñe mona môt a ye tabe éto njôane jé, mia fe mia ye tabe bito bi njôan awôm a bibaé a tyi’i meyoñ ya Israël awôm a mebaé mejô.”​—Matthieu 19:27, 28, Mfefé Nkôñelan.

Yésus a yiane kobô ajô ya melu ma zu, éyoñe si ja ye bo Paradis aval é nga taté be afup y’Éden. Pierre a beyé’é bevok ba ye bi ma’ane éyoñe ba be Yésus ba ye jôé si ja ye bo Paradis, ma’ane ma dañe mam mese be ne nyume bebien!

Ve ba ye ke bi ma’ane mese ve melu ma zu. Beyé’é bé be nga bu’uban a ma mevo’ éyoñe ji. Yésus a jô na: “Teke môt, éyoñ a maneya li’i nda, minga, bobenyañ, bebiaé nge bon amu éjôé Zambe, a bo te nyoñe biôm abui éyoñe ji, a ényiñe ya nnôm éto éyoñe ja zu.”​—Luc 18:29, 30, Mfefé Nkôñelan.

Ôwé, vôm ase beyé’é bé be ne ke, be ne ngule ya bu’uban a nye’an wo so be be bobenyañ bap ya nsisim be ne be bebé, ô ne fe dañe wu bobenyañe ya abume da. Éngôngole jam é ne fo’o na, ésoé ndôman é ne nkukume ji, ja zu fo’o sup bibotane bite a ma’a ya ke nyiñ Éjôé Zambe ya yôp.

Yésus a beta jô na: “Abui bôt é tele ôsu éyoñe ji ba ye tebe mvus a ba be tele mvus ba ye tebe ôsu.” (Matthieu 19:30, Mfefé Nkôñelan) Nalé a tinan aya?

Mbôle nkukum ésoé ndôman wu ô bili beta éto e betebe ôsu Bejuif, a ne nsamba bôte be “tele ôsu.” Mbôl a tôñe Metiñ me Zambe, da yené na, ényiñe jé mfa’a ya nsisim ja ye fo’o bo abeñ. Ve a telé akum a biôme bi mo ôsu a dañe mam mese mevok ényiñe jé. Jama bôte ki a yene miñye’elane mi Yésus ane benya mejôô, a zene ja ve ényiñ. Bi ne jô na, ba too bôte “be tele mvus” ve, ba zu bo éyoñe ji ba be “tele ôsu.” Be ne tabe ndi na ba ye tabe bito bejôô e yôb été a jôé si ba be Yésus éyoñe si j’aye bo Paradis.

  • Avale môt avé da subu Yésus bebé?

  • Amu jé Yésus a bene na be loone nye “mbamba”?

  • Ma’ane mevé Yésus a ka’ale bebo bisaé bé?

  • A zene fé ba be “tele ôsu” ba su’ulane “tebe mvus,” a ba be “tele mvus” ba su’ulane “tebe ôsu”?

    Bekalate ya nkobô bulu (2008-2026)
    Kuik
    Nyi'in
    • Bulu
    • Lôme'e môt
    • Mam ma dañe nyi
    • Copyright © 2025 Watch Tower Bible and Tract Society of Pennsylvania
    • Metiñ wo yiane yem
    • Metiñe ma kamane wo
    • Paramètres de confidentialité
    • JW.ORG
    • Nyi'in
    Lôme'e môt