A bebiaé, va’ané bone benane ñye’elan wo ye nyii be

Bebiaé ba bo Zambe ésaé, ba yange a ôjeja’a ôse môse bone bap ba ye bo benya bebo bisaé be Yéhôva. Bebiaé be ne volô bone bap éyoñe ba taté na, ba ye’ele be Mejô me Zambe aso bongô. (Dt 6:7; Min 22:6) Asu na be bo de, ba yiane fo’o nyume bebiene mam! Ma’ane ba ye bi, mme ma yiane tindi be na be yeme ngul.​—3Jn 4.

Bebiaé ba yiane vu Joseph ba Marie. Be nga nyoñe fulu ya ‘ke Jérusalem asu abo’o Pâque’ mbu ôse, nalé a mbe a sili’ abui ésaé a abui moné. (Lc 2:41) Da yené fo’o na be nga telé miñyiane ya nsisim ôsu. Aval ete da da, bebiaé ya dene ba yiane liti bone bap zen. Ba yiane ve be ñye’elan wo ye nyii be, a zene ya mejô map a mbamba éve’ela wop, éyoñe ése be bili fane ya bo de.​—Bs 127:3-5.

YENE’E VIDÉO A NE NLÔ AJÔ NA, BE NGA YE’ELE BE ÉYOÑ ÉSE BE NGA BI FANE YA BO DE, MVUSE YA VALÉ YALA’ANE MINSILI MI:

• Aval avé Jon ba Sharon Schiller be nga télé Éjôé Zambe ôsu nté be mbe be yale’e bone bap?

• Amu jé bebiaé ba yiane ye’ele a foñesô mone ase aval dé?

• Aval avé bebiaé ba yiane kômesane bone bap asu minjuk ba ye tôbane mie melu ma zu?

• Bikpwelé bise ôlo ô ne mewôk a fek ô kuliya, bivé ô belaneya bie na ô volô bone bôé na be yaé nsisim?