NLÔ AJÔ 03
Ye ô ne tabe ndi a mame Bible a jô?
Bible a bili abui bengaka’a a abui melep. Éko éziñ wo kômbô yeme mam a ye’ele, ve ô ne mone ntyel. Ye ô ne tabe ndi a melep a bengaka’a be ne avale nnôm kalate ete? Ye é ne été na bi ne bu’uban ényiñe den a melu ma zu avale Bible a jô? Abui bôt da simesane na ôwé. Womien tame fas ajô ete.
1. Ye minkañete ya Bible mi ne betotyii?
Bible a jô na a bili “bifia ya benya mejôô.” (Ecclesiaste 12:10) Minkañete mise a laan mi nga boban, a bôte bese a tot be nga nyiñe si va. (Lañe’e Luc 1:3; 3:1, 2.) Abui beyem mam ba bo’olô mam méziñ me ne Bible, aval ane mimbu a vôm minkañete miziñ mi nga boban. Ba bo’olô fe na bôte beziñ Bible a tot be nga nyiñe si va teke vaa nge beté.
2. Amu jé bi ne jô na Bible a ngenane teke ke abo si?
Bible a kobô fe ajô mam bôte be nji be be yeme’e éyoñ a tiliban. A kobô ajô ñyemane mam. Bôt be nga jaé sôô mam mete éyoñ a tiliban. Ve beyeme mam ya den ba jô na mam Bible a jô mfa’a ôte me ne betotyii. Teke vaa nge beté, mejô ya Bible me ne “ntelan nnôm éto ya nnôm éto.”—Besam 111:8.
3. Amu jé bi ne buni mam Bible a jô a lat a melu ma zu?
Bible a bili abui minkulane mejô.a A kobô ajô “mam me ngenane te tame boban.” (Ésaïe 46:10) A nga kobô ajô mam méziñ ayabe éyoñ ôsusua na ma boban. A nga kobô fe ajô mam mese bi lôô me boba’an melu ma. Nlô ajô wu, bia zu fas minkulane mejô miziñe ya Bible. Minkulan mejô mite mia zu bo na bi ku avem!
TUKA’A FAK
Yene’e ane mam Bible a jô ma lu’an a nyemane mam ya émo ji, yene’e fe ane minkulane mejô miziñe ya Bible mia tôéban.
4. Bible a lu’an a ñyemane mam
Melu mvus, bôt be mbe be simesa’ane na si é bôô jôm éziñ yôp. Futi’i VIDÉO.
Tame yene jame kalate Job a nga jô den a ntoo mimbu 3 500. Lañe’e Job 26:7, mvuse ya valé, yala’ane nsili wu:
Amu jé é ne jame ya kam éyoñ bia lañe Bible na si é tyele “momo” yôp?
Ane ve zia mimbu 1 800 nje bôte be nga tu’a wô’ô amu jé si é ne te jembane mendim. Lañe’e Job 36:27, 28, mvuse ya valé, yala’ane minsili:
Jé ja bo na ô kam éyoñ wo yen avale Bible a timine nta’ane mam wo bo na si é bo teke jembane mendim?
Ye bifuse bi bia volô wo na ô tu’a tabe ndi a Bible?
5. Minkulan mejô miziñe ya Bible mi nga tôébane melu mvus
Lañe’e Ésaïe 44:27–45:2, mvuse ya valé, yala’ane nsili wu:
Jé Bible a nga jô mimbu 200 mvus ôsusua na Babylone a tyamban?
Nkañete ya émo minlañ wo bo’olô na Cyrus, Njôô bôte ya Perse, a nkane bita wé, be nga tyame Babylone mbu 539 Ô.É.J.b Be nga vôône ôsôé ô mbe ô ba’ale tison. Éyoñ be nga zu kui mimfime ya akak, be nga zu koone mimbé mi yoo, ane be nga nyine tison a mane jiane je teke wosan. Babylone a li’iya bilik den a nga lôte mimbu 2 500. Amu jé? Bi tame yene nkulan ajô ôfe.
Lañe’e Ésaïe 13:19, 20, mvuse ya valé, yala’ane nsili wu:
Aval avé nkulan ajô wu ô nga tôéban?
Bili’i ya Babylone melu ma e Iraq
6. Minkulan mejô miziñe ya Bible mia tôébane den
Bible a jô na bia nyiñe melu ya asu’ulan. (2 Timothée 3:1) Tame yene mam Bible a nga jô a lat a melu bia nyiñe ma:
Lañe’e Matthieu 24:6, 7, mvuse ya valé, yala’ane nsili wu:
Bible a jô na ényiñe ja ye bo aya melu ma su’ulan?
Lañe’e 2 Timothée 3:1-5, mvuse ya valé, yala’ane minsili mi:
Bible a jô na bôte bé bi mefulu mevé melu ya asu’ulan?
Mefulu mevé ya été ô lôô bôte be bili den?
BÔTE BÉZIÑ BA JÔ NA: “Bible a ne njalan a befe’e.”
Jam avé da dañe liti wo na mam Bible a jô me ne betotyii?
ÔBALEBAS
Mam melal ma ma bo’olô na Bible a ne betotyii: nkañete ya émo minlañ, ñyemane mam, a minkulan mejô.
Ô ne yalan aya?
Ye Bible a ne betotyii, ye momo?
Mam mevé ma liti na Bible a lu’an a ñyemane mam ya émo ji?
Ye wo simesane na Bible a ne ngule ya kate mam mé bobane melu ma zu? Amu jé wo yalan nalé?
MAM MEFE ME NE VOLÔ WO
Ye Bible a kop biyoñe biziñ éyoñ a kobô ajô nyemane mame?
“La science est-elle d’accord avec la Bible ?” (Ô ne koone nye anjeñe mefoé dangan)
Jé ja liti na bia nyiñe melu ya asu’ulan?
Yene’e aval avé nkulan ajô ya Bible a lat éjôé ya Grèce ô nga tôéban.
Yene’e ane minkulane mejô ya Bible mi nga tindi môt éziñ na a tyendé.
“Pour moi, Dieu n’existait pas” (Nkume mmombô a bete No. 5 ya mbu 2017)
a Nkulan ajô ô ne bo mame Zambe a jô a lat a melu ma zu.
b Ô.É.J. a tinane na “Ôsusua éyoñe jangan.” É.J. a tinane na “Éyoñe jangan.”