1. Za a ne Yésus?

Yésus a ne beta ngungul éngele a nyiñe yôp été. Nnye a ne ététéa ôsu Yéhôva Zambe. Jôm ete nje Bible a loone Yésus na “ntôle mone ya bitétéa bise.” (Becolossien 1:​15, Mfefé Nkôñelan) Bible a jô fe na Yésus a ne “atyi’i Mone” Zambe, amu nnye étam Yéhôva a nga té a mo mé. (Jean 3:​16) Yéhôva a nga belane Yésus asu na a té biôm bivo’o bise. (Lañe’e Minkana 8:​30.) Yésus a bili ngul élat a Yéhôva. Bible a loone nye na “Ajô,” amu Zambe a nga belane nye ane nkate foé asu na a kalane bôte a beéngele mejô Mé.​—Jean 1:​14.

Bia sem, bia tôbane minjuk, a bia wu amu Adam ba Ève be nga bo Zambe melo.a Ve bia ye ke langan été éte nnôm éto. A zene ya be Mone wé Yésus Krist, Yéhôva a nga kôté bia abé a awu. Bible a ye’ele na éyoñ a nga wu, Yésus a nga ya’ane ntañ ya abé dangan. Ntañ ô ne jôme wo ve asu na ô kôté môt éziñ. Asu na Yésus a ya’ane ntañ ô mbe ô sili’i asu abé dangan, a nga ve ényiñ jé é mbe te bijô ya nsem. (Lañe’e Matthieu 20:28.) Yésus a mbe a bili fane ya nyiñ nnôm éto si va, ve éyoñ a nga kañese ve ényiñ jé asu dangan, a nga ve bia fane ya beta bi mam mese Adam ba Éve be nga bo na bi jañele. Éyoñ a nga bo jam ete, Yésus a nga liti bia abim avé ba Yéhôva ba nye’e bia. Nlô ajô wu wé volô wo na ô tu’a yene mfi ya ntañ, a na ô ve Yéhôva akéva.

1. Awu Yésus e nga soo bia bibotane bivé?

Mbôle bi be’e metyi ya abé, e wô’ô kui abui biyoñe na bi bo mame Yéhôva a vini. Ve nge bia jôban abé dangan, a sili Yéhôva njaman a zene ya be Yésus Krist, éyoñe te bia ve ngule na bi bo teke beta bo jam ete, bii beta bi mbamba élat a Zambe. (1 Jean 2:1) Bible a jô na: “Amu Krist fe a nga jibi mintaé éyoñe jia amu mam abé, nyô a ne zôsô señ ya ba be ne bikotekot, nde a ye zu bia be Zambe.”​—1 Pierre 3:​18.

2. Bibotane bivé awu Yésus dé soo bia melu ma zu?

Yéhôva a nga lôme Yésus na a zu ve ényiñe jé asu na “bôte bese môt a buni nye, a ye jañ, ve tabe ényiñ ya melu mese.” (Jean 3:​16) Ana’ana, a zene ya ntañ Yésus a nga ve, Yéhôva a ye mane vaa mbia be mame bese be ne njalan émo ji. Ajô te, nge bia buni ntañ Yésus a nga ve, bii bi fane ya bu’uban ényiñ nnôm éto si va!​—Ésaïe 65:​21-​23.

TUKA’A FAK

3. Awu Yésus e nga kôté bia minkôme ya abé a awu

VIDÉO: Amu jé Yésus a nga wu?​—Ngab 1 (2:​01)

• Jé Adam a nga sub éyoñ a nga bo Zambe melo?

Lañe’e Beromain 5:​12, mvuse ya valé, yala’ane nsili wu:

• Nsem Adam ô nga soo jé ényiñe jôé?

Lañe’e Jean 3:​16, mvuse ya valé, yala’ane nsili wu:

• Amu jé Yéhôva a nga lôme Mone wé si va?

1. Adam a mbe môt a mbe teke ayeñ, a nga bo Zambe melo, a lôme mvoñe bôte jé ése minkôme ya abé a awu

2. Yésus fe a mbe môt a mbe teke ayeñ, ve nye a nga bo Zambe mewôk, a ve bia fane ya nyiñ nnôm éto

4. Awu Yésus da kôté bôte bese

VIDÉO: Amu jé Yésus a nga wu?​—Ngab 2 (2:​00)

• Aval avé awu môte wua wua e ne kôté bôte bese?

Lañe’e 1 Timothée 2:​5, 6, mvuse ya valé, yala’ane nsili wu:

• Adam a mbe môt a ne teke ayeñ, ve éyoñ a nga sem, a nga bo na mvoñe bôte jé ése é be’e metyi ya abé, a wu. Nde, aval avé ényiñe Yésus a nga ve ja kôté bia abé a awu?

5. Ntañ ô ne édima dase Yéhôva a nga ve wo

Bemvôé be Yéhôva ba yene ntañ ane édima das a nga ve môt ase ya be be. Asu na ô yeme jame mvôé Yéhôva éziñ é nga jô, lañe’e Begalate 2:​20, mvuse ya valé, yala’ane nsili wu:

• Aval avé Nlômane Paul ô nga liti na ntañ ô ne édima dase Zambe a nga ve nye?

Nsem Adam ô nga soo émien a mvoñe bôte jé ése awu. Ve Yéhôva a nga lôme Mone wé na a zu ve ényiñ jé asu na ô bi fane ya nyiñ nnôm éto.

Lañe’e Jean 19:​1-7, 16-​18. Nté wo lañe bifuse bite, simesa’an avale Yéhôva a nga wô’ôtan éyoñ a mbe a yene’ ane Mone wé a jibi mintaé. Mvuse ya valé, yala’ane nsili wu:

• Wo wô’ôtan aya éyoñ wo yene jame Yéhôva ba Yésus be nga bo asu dôé?

ÔBALEBAS

Awu Yésus e nga bo na Yéhôva a jamé abé dangan, e nga ve fe bia fane ya bu’uban ényiñ nnôm éto.

Ô ne yalan aya?

• Amu jé Yésus a nga wu?

• Aval avé ényiñe Yésus a nga ve ja kôté bia abé a awu?

• Awu Yésus da soo wo bibotane bivé?

MAM MEFE ME NE VOLÔ WO

Yene’ amu jé ba loone ényiñ Yésus a nga ve asu dangan na ntañ.

“En quel sens le sacrifice de Jésus est-il « une rançon pour beaucoup » ?” (Ô ne koone nye anjeñe mefoé dangan)

Yene’e mam bia yiane bo asu na bi kôlô minkôme ya abé a awu.

“Jésus sauve : comment?” (Ô ne koone nye anjeñe mefoé dangan)

Ye Yéhôva a ne jamé to’o beta minsem?

“Questions bibliques” (Nkume mmombô a bete ya Ngone tane é too alu 1, mbu 2013)

Yene’ avale ntañ ô nga volô môt éziñ na a tyendé mefulu mé.

« Je ne suis plus esclave de la violence » (Lañe’e nye nkol)

1. Jam avé bi ne bo asu na bi ve Yéhôva ba Yésus akiba amu mbamba jam be nga bo bia?

Bible a jô na “môt a buni [Yésus]” é bi ényiñ ya melu mese. (Jean 3:​16) Aval avé bi ne bo de? Bia yiane liti mbunane wongan a zene ya mintyi’ane bia nyoñ, a mame bia bo. (Jacques 2:​17) Éyoñ bia bo nalé, bia yemete élate jangan a Yésus ba Ésaa wé, Yéhôva.​—Lañe’e Jean 14:21.