Amu jé abé a minju’u bi ne si nyi?

Éyoñe mbia jam éziñ a kui, bia bese bi wô’ô sili na “Amu jé?” Wé bi meva’a ya yen éyalane Kalate Zambe a ve a lat a nsili ôte.

1. Aval avé Satan a nga soo abé si nyô?

Satan Diable a nga bo Zambe melo. A nga yi na a jôé si ése, jôme te nje a nga bo na Adam ba Ève be fe be bo Zambe melo. Aval avé a nga bo de? A nga laan Ève minsos. (Metata’a 3:​1-5) A nga du’u nye na Yéhôva a solé be mbamba be mam. A mbe a kômbô’ô liti na bone be bôt be ne bi benya meva’a nge ba jôé bebien. Satan nnye a mbe môt ôsu a nga laane minsos. A nga kôme jô Ève na a ye ke tu’a wu. Jôme te nje Bible a loone Satan na “môte ya minsos” a “ésa minsos.”​—Jean 8:​44.

2. Adam ba Ève be nga tyi’i na ba bo jé?

Yéhôva a nga ve Adam ba Ève angôndô ya abui biôm. A nga jô be na be ne ngule ya di bibuma ya bilé bise ya afube ya Éden, ane ô vaa ve élé jia. (Metata’a 2:​15-​17) Ve be nga tyi’i na ba di ébuma ya élé éte. Ève “a nga faté ébuma ya élé éte, a di” je. Mvuse ya valé, Adam “fe a nga di” je. (Metata’a 3:6) Bese bebaane be nga bo Zambe melo. Mbôle Adam ba Ève be mbe teke ayeñ, e mbe tyi’ibi asu dap na be bo ve mam me ne zôsôô. Be nga vañe fo’o bo Zambe melo. Be nga sem éyoñe be nga bo nalé, be liti’i fe na ba ben éjôé Yéhôva. Ntyi’an ôte ô nga soo be abui minjuk.​—Metata’a 3:​16-​19.

3. Ntyi’an Adam ba Ève be nga nyoñ ô nga telé bia été évé?

Éyoñ Adam ba Ève be nga sem, be nga be’e metyi ya abé a kôé me mvoñe bôte jap ése. Bible a kobô ajô Adam a jô’ô na: “Abé e nga zu si nyô amu môte wua, a awu e nga zu amu abé; a nalé awu e nga kui be bôte bese.”​—Beromain 5:​12.

Abui mam e ne soo bia minjuk. Biyoñe biziñ, bia tôbane minju’ amu bia te nyoñe mbia mintyi’an. Bi ne fe tôbane minju’ amu mbia mintyi’an bôte befe be nga nyoñ. Mam méziñ me ne fe bia kui atemetem, a telé bia minju’ été.​—Lañe’e Écclésiaste 9:​11.

TUKA’A FAK

4. Minju’u mia so vé?

Abui bôte da simesane na Zambe nnye a jôé émo ji. Ye nalé a ne été? Futi’i VIDÉO.

VIDEO: Za a jôé émo ji? (1:​24)

Lañe’e Jacques 1:​13 a 1 Jean 5:​19, mvuse ya valé, yala’ane nsili wu:

• Ye Zambe nnye a bo na bi tôbane minjuk?

5. Mam éjôé Satan é nga soo me

VIDÉO: Amu jé Yéhôva a kamane ki na bi tôbane minjuk? Éfas (3:​07)

Lañe’e Metata’a 3:​1-6, mvuse ya valé, yala’ane minsili mi:

• Minsos mivé Satan a nga laan?​—Fombô’ô éfuse 4 a 5.

• Aval avé Satan a nga kômbô liti na Yéhôva a solé bôte mbamba be mam?

• Ye bone be bôt be ne bi benya meva’a nge ba jôé bebien avale Satan a nga jô?

Lañe’e Écclésiaste 8:​9, mvuse ya valé, yala’ane nsili wu:

• Mbôle sake Yéhôva nnye a ne Njôô ya émo ji, jé ja boban été?

1. Adam ba Ève be mbe teke ayeñ éyoñe be mbe Paradis. Ve be nga vô’ôlô Satan, a bo Yéhôva melo

2. Éngana’a jap é nga soo abé, minjuk, a awu émo ji

3. Ve Yéhôva a ka’ale na é vaa abé, minjuk, a awu. Éyoñe te bôte ba ye beta bo zôsôô ne tiññ, a nyiñe Paradis

6. Yéhôva a yeme minju’u bia tôbane mie, a wô’ô fe bia mintaé

Ye Zambe a bisi minju’u bia tôbane mie? Yene’e mame Njôô bôte David a Nlômane Pierre be nga tili. Lañe’e Besam 31:7 a 1 Pierre 5:​7, mvuse ya valé, yala’ane nsili wu:

• Wo wô’ôtan aya éyoñe wo yeme na Yéhôva a yeme minju’u bia tôbane mie, a na a wô’ô bia mintaé?

ÔBALEBAS

Satan Diable, Adam, a Ève, mbe be ne bôte ba dañe be’e mekua ya abé ese e ne émo ji. Yéhôva a wô’ô nlem mintaé éyoñ a yen ane bia tôbane minjuk, é mane fe mie vaa mise ne meññ.

Ô ne yalan aya?

• Minsos mivé Satan a nga laan Ève?

• Éngana’a Adam ba Ève be nga bo é nga soo jé?

• Aval avé bia yeme na Yéhôva a yeme minju’u mise bia tôbane mie, a na a wô’ô bia mintaé?

MAM MEFE ME NE VOLÔ WO

Yene’e jôme Bible a loone na “nsem.”

“Qu’est-ce que le péché?” (Ô ne koone nye anjeñe mefoé dangan)

Tuka’a fa’a jam e nga boban afube ya Éden, éyoñe Satan a nga bo éngana’a.

“Pourquoi Dieu permet-il les souffrances?” (Nkume mmombô a bete ya Ngon ôsu é too alu 1, mbu 2014)

Yene’ aval avé biyalane ya beta nsili nyi bi ne volô wo.

“Pourquoi la Shoah a-t-elle eu lieu ? Pourquoi Dieu n’a-t-il rien fait?” (Ô ne koone nye anjeñe mefoé dangan)

Yene’e jame môt éziñ a nga yé’é a lat a minjuk a mbe a yene’e.

Me se ke fe étam (5:09)

Bia sem, bia tôbane minjuk, a bia wu amu Adam ba Ève be nga bo Zambe melo.a Ve bia ye ke langan été éte nnôm éto. A zene ya be Mone wé Yésus Krist, Yéhôva a nga kôté bia abé a awu. Bible a ye’ele na éyoñ a nga wu, Yésus a nga ya’ane ntañ ya abé dangan. Ntañ ô ne jôme wo ve asu na ô kôté môt éziñ. Asu na Yésus a ya’ane ntañ ô mbe ô sili’i asu abé dangan, a nga ve ényiñ jé é mbe te bijô ya nsem. (Lañe’e Matthieu 20:28.) Yésus a mbe a bili fane ya nyiñ nnôm éto si va, ve éyoñ a nga kañese ve ényiñ jé asu dangan, a nga ve bia fane ya beta bi mam mese Adam ba Éve be nga bo na bi jañele. Éyoñ a nga bo jam ete, Yésus a nga liti bia abim avé ba Yéhôva ba nye’e bia. Nlô ajô wu wé volô wo na ô tu’a yene mfi ya ntañ, a na ô ve Yéhôva akéva.

1. Awu Yésus e nga soo bia bibotane bivé?

Mbôle bi be’e metyi ya abé, e wô’ô kui abui biyoñe na bi bo mame Yéhôva a vini. Ve nge bia jôban abé dangan, a sili Yéhôva njaman a zene ya be Yésus Krist, éyoñe te bia ve ngule na bi bo teke beta bo jam ete, bii beta bi mbamba élat a Zambe. (1 Jean 2:1) Bible a jô na: “Amu Krist fe a nga jibi mintaé éyoñe jia amu mam abé, nyô a ne zôsô señ ya ba be ne bikotekot, nde a ye zu bia be Zambe.”​—1 Pierre 3:​18.

2. Bibotane bivé awu Yésus dé soo bia melu ma zu?

Yéhôva a nga lôme Yésus na a zu ve ényiñe jé asu na “bôte bese môt a buni nye, a ye jañ, ve tabe ényiñ ya melu mese.” (Jean 3:​16) Ana’ana, a zene ya ntañ Yésus a nga ve, Yéhôva a ye mane vaa mbia be mame bese be ne njalan émo ji. Ajô te, nge bia buni ntañ Yésus a nga ve, bii bi fane ya bu’uban ényiñ nnôm éto si va!​—Ésaïe 65:​21-​23.

TUKA’A FAK

3. Awu Yésus e nga kôté bia minkôme ya abé a awu

VIDÉO: Amu jé Yésus a nga wu?​—Ngab 1 (2:​01)

• Jé Adam a nga sub éyoñ a nga bo Zambe melo?

Lañe’e Beromain 5:​12, mvuse ya valé, yala’ane nsili wu:

• Nsem Adam ô nga soo jé ényiñe jôé?

Lañe’e Jean 3:​16, mvuse ya valé, yala’ane nsili wu:

• Amu jé Yéhôva a nga lôme Mone wé si va?

1. Adam a mbe môt a mbe teke ayeñ, a nga bo Zambe melo, a lôme mvoñe bôte jé ése minkôme ya abé a awu

2. Yésus fe a mbe môt a mbe teke ayeñ, ve nye a nga bo Zambe mewôk, a ve bia fane ya nyiñ nnôm éto

4. Awu Yésus da kôté bôte bese

VIDÉO: Amu jé Yésus a nga wu?​—Ngab 2 (2:​00)

• Aval avé awu môte wua wua e ne kôté bôte bese?

Lañe’e 1 Timothée 2:​5, 6, mvuse ya valé, yala’ane nsili wu:

• Adam a mbe môt a ne teke ayeñ, ve éyoñ a nga sem, a nga bo na mvoñe bôte jé ése é be’e metyi ya abé, a wu. Nde, aval avé ényiñe Yésus a nga ve ja kôté bia abé a awu?

5. Ntañ ô ne édima dase Yéhôva a nga ve wo

Bemvôé be Yéhôva ba yene ntañ ane édima das a nga ve môt ase ya be be. Asu na ô yeme jame mvôé Yéhôva éziñ é nga jô, lañe’e Begalate 2:​20, mvuse ya valé, yala’ane nsili wu:

• Aval avé Nlômane Paul ô nga liti na ntañ ô ne édima dase Zambe a nga ve nye?

Nsem Adam ô nga soo émien a mvoñe bôte jé ése awu. Ve Yéhôva a nga lôme Mone wé na a zu ve ényiñ jé asu na ô bi fane ya nyiñ nnôm éto.

Lañe’e Jean 19:​1-7, 16-​18. Nté wo lañe bifuse bite, simesa’an avale Yéhôva a nga wô’ôtan éyoñ a mbe a yene’ ane Mone wé a jibi mintaé. Mvuse ya valé, yala’ane nsili wu:

• Wo wô’ôtan aya éyoñ wo yene jame Yéhôva ba Yésus be nga bo asu dôé?

ÔBALEBAS

Awu Yésus e nga bo na Yéhôva a jamé abé dangan, e nga ve fe bia fane ya bu’uban ényiñ nnôm éto.

Ô ne yalan aya?

• Amu jé Yésus a nga wu?

• Aval avé ényiñe Yésus a nga ve ja kôté bia abé a awu?

• Awu Yésus da soo wo bibotane bivé?

MAM MEFE ME NE VOLÔ WO

Yene’ amu jé ba loone ényiñ Yésus a nga ve asu dangan na ntañ.

“En quel sens le sacrifice de Jésus est-il « une rançon pour beaucoup » ?” (Ô ne koone nye anjeñe mefoé dangan)

Yene’e mam bia yiane bo asu na bi kôlô minkôme ya abé a awu.

“Jésus sauve : comment?” (Ô ne koone nye anjeñe mefoé dangan)

Ye Yéhôva a ne jamé to’o beta minsem?

“Questions bibliques” (Nkume mmombô a bete ya Ngone tane é too alu 1, mbu 2013)

Yene’ avale ntañ ô nga volô môt éziñ na a tyendé mefulu mé.

« Je ne suis plus esclave de la violence » (Lañe’e nye nkol)