• Ye ô nto nkômesan ya duban?
    Bu’uban ényiñ nnôm éto!​—Asu ayé’é Kalate Zambe

    • 3. Amu jé wo yiane ki koo jôm éziñ woñ?

      Bôt béziñ ba koo woñe na ba ye ke kui na be tôé ngaka’a be nga bo Yéhôva. E ne fo’o kui na ô bo bikobe biyoñe biziñ, aval ane bebo bisaé be Zambe bevok be nga bo. Ve Yéhôva a yeme na bebo bisaé bé be vo’o bo zôsô ne tiññ. (Lañe’e Besam 103:​13, 14.) A wô’ô mvaé éyoñ wo ve ngule jôé ése na ô bo nye ésaé! Nde fe, émien é volô wo. A ka’ale bia na, teke jôm éziñ é ne “bo ngule ya vaa bia mfa’a ya nye’ane [wé].”​—Lañe’e Beromain 8:​38, 39.

  • Ô ne dañ étibila’a
    Bu’uban ényiñ nnôm éto!​—Asu ayé’é Kalate Zambe

    • Bi bete bi sisi, Kristen ése ja ye tôbane mewosan, nge ke étibila’a. Nde, ye bia yiane koo woñ?

      1. Amu jé bia yeme na bii tôbane étibila’a?

      Kalate Zambe a kôme jô na: “Bôte bese ba kômbô tabe aval ntabane ya be Zambe be Krist Yésus ba ye jibi ékpwe’ele.” (2 Timothée 3:​12) Yésus a nga tôban étibila’a amu a nga bene nyoñ ngap mame ya émo Satan. Bia fe bi nji bo bôte ya si nyô, ajô te bia kam ki éyoñe bijôé a miñyebe bia tibili bia.​—Jean 15:​18, 19.

      2. Aval avé bi ne kômesan asu étibila’a?

      Dene nnye bia yiane jeñe na bi yemete élate jangan a Yéhôva. Nyoñe’ éyoñe ya ye’elane nye môs ôse a lañe mejô mé. Tabe’e bisulan mban. Mam mete ma ye wônô mbunane wôé a ve wo ngule ya tebe ne bip éyoñe ya étibila’a; to’o ja so nda bôte jôé. Nlômane Paul fe ô nga tôban étibila’a, ô nga tili na: “[Yéhôva] a ne mvolô wom; ma ye ke ko woñ.”​—Behébreu 13:6

      Bi ne fe bi ngule nyul éyoñ bia bo ésaé nkañete éyoñ ése. Ésaé nkañete ja ye’ele bia mfi ya tabe ndi a Yéhôva, ja volô fe bia na bi bo te koo môta binam woñ. (Minkana 29:25) Nge ô bili ayo’o nleme ya kañete éyoñe ji, wo ye fe bo nkômesane ya ke ôsu a kañete to’o éyoñ bijôé bii tyili ésaé jangan.​—1 Bethessalonicien 2:2.

      3. Mfi ôvé bia bi éyoñ bia jibi étibila’a?

      E ne été na, bi vo’o wô’ô mvaé éyoñ bia tôban étibila’a, ve éyoñ bia jibi je, mbunane wongan wo tu’a yem. Bia tu’a kabetane Yéhôva amu bia yeme na é volô bia éyoñ ngule jangan ja ye bo tyôtyoé. (Lañe’e Jacques 1:​2-4.) Nlem wo taé Yéhôva éyoñ bia tôbane minjuk, ve a ne mevak éyoñ a yene bi kele’ ôsu a jibi. Kalate Zambe a jô na: “Éyoñ mia bo mvaé; a mia wô’ô mintaé amu je, nge mia ye jibi [mintaé], jam ete nde e ne mvaé be Zambe.” (1 Pierre 2:​20) Ma’ane Yéhôva a ka’ale bôte bese ba ke ôsu a jibi étibila’a me ne ényiñe ya melu mese mfefé si, teke fe môt nge jôm ja wosane nya ékaña’a.​—Matthieu 24:13.

      TUKA’A FAK

      Yene’ avale bi ne ke ôsu a kabetane Yéhôva akusa bo étibila’a, a aval avé a ye botane bia.

      Mona minga a ke na bobejañ be bo nye ayé’é, akusa bo bebiaé bé ba wosane nye.

      4. Ô ne jibi mewosane ma so nda bôte jôé

      Yésus a mbe a kôme yeme na menda me bôte mangan me ne bo teke kômbô su’u ntyi’an bi nga nyoñe na bia kañe Yéhôva. Lañe’e Matthieu 10:​34-​36, mvuse ya valé, yala’ane nsili wu:

      • Jé nda bôt é ne bo nge môt éziñ ya été a tyi’i na a kañe Yéhôva?

      Asu na ô yen éve’an, futi’i VIDÉO, mvuse ya valé, yala’ane nsili wo tôé valé.

      VIDEO: Yéhôva a nga dutu bia (5:​13)

      • Jé ô ne bo nge môte ya nda bôte jôé nge ke mvôé jôé ja kômbô kamane wo na ô kañe Yéhôva?

      Lañe’e Besam 27:10 a Marc 10:​29, 30. Éyoñ ô lañeya éfuse jia, ô yalane nsili wu:

      • Aval avé ngaka’a nyi é ne volô wo nge wo tôban étibila’a é so’o nda bôte jôé été nge ke bemvôé bôé?

      5. Kele’ ôsu a kañe Yéhôva akusa bo étibila’a

      Va’a ngule ya ke ôsu a kañe Yéhôva éyoñ bôt bevo’o ba jeñe na be te’e wo. Futi’i VIDÉO, mvuse ya valé, yala’ane nsili wo tôé valé.

      VIDÉO: Yeme’e ngul éyoñe ya étibila’a (6:​27)

      • Aval avé bobejañ a besita ya vidéo ba ve wo ngule nyul?

      Lañe’e Mame minlôman 5:​27-​29 a Behébreu 10:​24, 25. Éyoñ ô lañeya éfuse jia, ô yalane nsili wu:

      • Amu jé e ne mfi na bi ke ôsu a kañe Yéhôva to’o bijôé bia tyili ésaé nkañete jangan nge ke bisulan?

      6. Yéhôva a ye volô wo na ô ke ôsu a jibi

      Bengaa be Yéhôva ya si se, bisoé a benya bôtô, ba ke ôsu a kabetane Yéhôva to’o éyoñ ba tibili be. Asu na ô yeme mam me nga volô be, futi’i VIDÉO. Mvuse ya valé, yala’ane nsili wu:

      VIDÉO: Yéhôva Zambe a ye wônô ma (3:​40)

      • Jé é nga volô bobejañ a besita ya vidéo na be ke ôsu a jibi?

      Lañe’e Beromain 8:​35, 37-​39 a Bephilippien 4:​13. Éyoñ ô lañeya éfuse jia, ô yalane nsili wu:

      • Aval avé éfuse ji ja liti na ô ne ngule ya jibi nju’ ôse ô ne tôbane wô?

      Lañe’e Matthieu 5:​10-​12, mvuse ya valé, yala’ane nsili wu:

      • Amu jé ô ne ba’ale ava’a dôé akusa bo étibila’a?

      Bengaa be Yéhôva ya melu ma be nga jibi étibila’a a mimbôk amu mbunane wop.

      Bemillion bebo bisaé be Yéhôva be nga kui na be jibi étibila’a. Wo fe ô ne de bo!

      BÔTE BÉZIÑ BA JÔ NA: “Me vo’o jibi étibila’a.”

      • Bifuse bivé ya Kalate Zambe bi ne ve be ngul nyul?

      ÔBALEBAS

      Yéhôva a nyane ngul ése bia ve na bi kañe nye akusa bo étibila’a. A mvolane wé, bi ne jibi akekui asu’ulan!

      Ô ne yalan aya?

      • Amu jé Bekristen ba yeme na ba ye tôban étibila’a?

      • Jé ô ne bo asu na ô bo nkômesan éyoñ étibila’a ja ye so?

      • Jé é ne ve wo ndi nlem na ô ne ke ôsu a kañe Yéhôva akusa bo étibila’a?

      Jôm ô ne bo

      MAM MEFE ME NE VOLÔ WO

      Yene’ ane ésoé mojañ ja kate avale Yéhôva a nga ve nye ngule nyul éyoñ a mbe mimbôk amu mbunane wé.

      Kele’ ôsu a jibi akusa bo étibila’a (2:34)

      Yene’e jam e nga volô mojañ ba minga wé na be ke ôsu a kañe Yéhôva akusa bo be nga tôban mewosan mimbu mimbu.

      Be nga ke ôsu a kabetan Yéhôva akusa bo mintyendan (7:11)

      Yene’ aval ô ne bi ayo’o nlem éyoñe wo tôban étibila’a.

      “Dene nnye tabe’e nkômesane ya jibi étibela’a” (Nkume mmombô a bete ya Ngone zangbwal, mbu 2019)

      Aval avé bia yiane yen étibila’a ja so bia nda bôt, a aval avé bi ne nyiñe mvo’é a be, bi kele’e fe ôsu a kabetane Yéhôva?

      “Benya mejôô ‘be nji zu ve mvo’é, ve nkpwaté mekôn’” (Nkume mmombô a bete ya Ngon awômô, mbu 2017)