• “Tuba’ané mbia nkeane binoñ!”
    “Mi ba’alane miabebien nye’ane Zambe été”

    • 3. Abime bôt avé é nga ku ôlame Balaam?

      3 Ye fe’e éte é nga wulu? Nya nya mvo’é. Befam betoyini mewôme ya ayoñ Israël be nga ku ôlame Balaam, “be nga taté na ba bo bijabô a bengone ya Moab.” Be nga taté fe na ba kañe bezambe ya Moab, ja’a mvite zambe be mbe be lo’one na Baal ya Péor, zambe ya abiaé, nge ke zambe ya nkeane binoñ. Jam ete e nga bo na bone b’Israël 24 000 be wu, e zu koone be mbeme nyiine si ya ntiñetan. Éngôngole jame fo’o!​—Nlañane Bôt 25:1-9, Mfefé Nkôñelan.

  • “Tuba’ané mbia nkeane binoñ!”
    “Mi ba’alane miabebien nye’ane Zambe été”

    • 4. Amu jé bone b’Israël betoyini be nga ku ôlame ya mbia nkeane binoñ?

      4 Jé é nga bo na bone b’Israël be tebe aval été éte? Abui y’été e nga jô’é na abé e yaé be nlem été, akekui be nga bele lume Yéhôva mvus, Zambe a nga kôté be minkôm y’Égypte, a kee be e fefele si ya ntiñetan. (Behébreu 3:12) Paul a nga kobô ajô ete éyoñ a nga tili na: “Nalé fe, mbo’an te bo [mbia nkeane binoñ], aval ane bevo’o y’été be nga bo, ane be nga wu môse wua betoyini mewôm mebaé a bela.”a​—1 Becorinthien 10:8.