NLÔ AJÔ 19

Ye Bengaa be Yéhôva mbe be ne benya Bekristen?

Nyô a ne ntilan

Bia, Bengaa be Yéhôva, bia yeme na bi ne benya Bekristen. Amu jé? Jé é ne mbôka’a ya mbunane wongan? Amu jé bia loobane na Bengaa be Yéhôva? Aval avé bia liti na bia nye’esan?

1. Jé é ne mbôka’a ya mbunane Bengaa be Yéhôva?

Yésus a nga jô na: “Mejô [me Zambe] me ne benya mejôô.” (Jean 17:17) Aval ane Yésus, mbôka’a ya ékaña’a Bengaa be Yéhôva ô ne Kalate Zambe. Tame yen avale jam ete e nga yené zia mimbu 1870 éyoñe bi mbe bi ngenane bi be’e éyôlé Beyé’é Bible. Bi nga jeñe na bi fas édo’o été mame Bible a jô. Bi nga taté na bia buni mame mese Bible a mbe a jô’ôk, akusa bo me mbe me sela’an a bedo’oten ya miñyebe mivok. Bi nga taté fe na bia kañete bôte bevo’o mame bi mbe bi yéké’é.a

2. Amu jé bia loobane na Bengaa be Yéhôva?

Yéhôva a loone bebo bisaé bé na Bengaa bé, amu ba kate betotyii ajô dé. (Behébreu 11:4-12:1) Éve’an é ne na, melu mvus, Yéhôva a nga jô ayoñe dé na: “Mi ne bengaa bam.” (Lañe’e Ésaïe 43:10.) Bible a loone Yésus na “nya Ngaa.” (Nlitan 1:5, Mfefé Nkôñelan) Jam ete nde e nga bo na mbu 1931, bi loobane na Bengaa be Yéhôva. Bi ne meva’a ya be’e éyôlé éte.

3. Aval avé Bengaa be Yéhôva ba vu nye’ane Yésus?

Yésus a nga nye’e beyé’é bé aval ane bibu’a ya nda bôte jé. (Lañe’e Marc 3:35.) Aval ete da da, Bengaa be Yéhôva ya si ése be ne nlatan aval ane nda bôte jia. Jôme te nje bia loobane na bobejañ a besita. (Philémon 1, 2) Bia tôñe fe atiñe di: “Nyeka’ane bobenyañ.” (1 Pierre 2:17) Bengaa be Yéhôva ba liti na ba nye’esan a abui mezen. Éve’an é ne na, ba su’an éyoñe ya minjuk.

TUKA’A FAK

Yene’e beza be ne Bengaa be Yéhôva, a mame mefe ma bo’olô na mbe be ne benya Bekristen.

Mam bia yene befôtô: Bengaa be Yéhôva ba kañete. 1. Sita a laan a minga éziñ ajô éfuse ya Kalate Zambe. 2. Mojañ a kañete môt Mejô me Zambe ata’a bekalate. — Benya Bekristen ba nyoñe miñye’elane miap Kalate Zambe été, a ba kañete mie bôte bevok

4. Mbôka’a ya mbunane wongan ô ne Bible

Yéhôva a nga jô na ñyemane wo ye bo abui. Lañe’e Daniel 12:4, mvuse ya valé, yala’ane nsili wu:

Jé bebo bisaé be Yéhôva ba ye bi nge be kele ôsu a yé’é Bible?

Yene’ ane nsamba bôte be mbe be loone na Beyé’é Bible be nga yé’é mejô me Zambe. Wua ya été a mbe jôé na Charles Russell. Futi’i VIDÉO, mvuse ya valé, yala’ane nsili wu.

VIDÉO: Éfufube ya benya mejôô ja beta faé (7:45)

Aval avé Charles Russell a nsamba bôte ôfe be mbe be yé’é Bible?

Ye wo too ô yeme’ek?

E nga kui biyoñ biziñe na bi sôane mame méziñ ékaña’a jangan. Amu jé? Aval ane éfufube ya melendé me tyé ja faé ôte’ete’ ôte’etek, nde fe Yéhôva a nga bo na bi bi nya ñyemane nalé. (Lañe’e Minkana 4:18.) Bible a tyendé ki, ve éyoñ bia tu’a wô’ô mam a ye’ele, bia ve ngul ése na bi sôane miñye’elane miangan.

5. Éyôlé jangan ja liti ésaé bia bo

Amu jé bi nga loobane na Bengaa be Yéhôva? Futi’i VIDÉO, mvuse ya valé, yala’ane nsili wu.

VIDÉO: Éyôlé ja kate za bi né (2:40)

Amu jé éyôlé Bengaa be Yéhôva ja yiane bia?

Amu jé Yéhôva a nga tobe bôte na be bo Bengaa bé? A mbe a yi na be liti bôte na nnye a ne nya Zambe, a na be kulane minsos mise be nga laan ajô dé. Tame yene bive’ane bibaé.

Abui miñyebe da ye’ele na Zambe a yi na bi belane bive’ela asu ya na bi kañe nye. Ve ye jam ete e ne été? Tame lañe Lévitique 26:1, mvuse ya valé, yala’ane minsili mi:

Jé Kalate Zambe a ye’ele? Yéhôva a wô’ôtan aya éyoñ bia belane bive’ela asu ékaña’a?

Betebe ôsu ya miñyebe miziñe ba ye’ele na Yésus nnye a ne nya Zambe. Ye jam ete e ne été? Lañe’e Jean 20:17, mvuse ya valé, yala’ane minsili mi:

Jé Kalate Zambe a ye’ele? Ye Yéhôva ba Yésus be ne môte wua?
Nde, wo wô’ôtan aya éyoñ wo yeme na Yéhôva a nga lôme Bengaa bé na be kañete bôte benya mejôô a lat a émien a Mone wé?

6. Bia nye’esan

Bible a ve’e Bekristen a bibu’a ya nyule môt. Lañe’e 1 Becorinthien 12:25, 26, mvuse ya valé, yala’ane minsili mi:

Jé benya Bekristen ba yiane bo éyoñe ba yene ba bevok be tele minju’ été?
Mame mevé ma liti wo na Bengaa be Yéhôva ba nye’esan?

Éyoñ ébubua ja ke nambe Bengaa be Yéhôva ya si éziñ, Bengaa bevok ba ji’a jeñe na be volô be. Futi’i VIDÉO asu na ô yen éve’ela jia, mvuse ya valé, yala’ane nsili wu.

VIDÉO: Ebubua nkulu é nga jimbi si Haiti (5:29)

Aval avé ésaé Bengaa be Yéhôva ba bo éyoñ ébubua ja nambe ba bevok ja liti na ba nye’esan?

Bengaa be Yéhôva bebaé ba volô minga éziñ ba mone wé be ndôme tôban ébubua. Ba vute be mfinga asu na be wô’ ayôñ, a ve be mendime ya nyu. — Benya Bekristen ba liti bôte bevo’o na ba nye’e be éyoñe ya minjuk

BÔTE BÉZIÑ BA JÔ NA: “Bengaa be Yéhôva be ne mfefé ñyebe.”

Ataté éyoñ évé Yéhôva a loone bebo bisaé bé na Bengaa bé?

ÔBALEBAS

Bengaa be Yéhôva mbe be ne benya Bekristen. Akusa bo bia nyiñ ki afôla da, bi ne nda bôte jia, mbôka’a ya mbunane wongan ô ne Bible, a bia volô bôte bevo’o na be yeme benya mejôô a lat a Yéhôva.