Su’u akônda dôé

Si se meku’u menyin, bemillion be bôt ba kañe Yéhôva meva’ été betoyini mekônda. Be ne mevak amu miñye’elan a meleb ékôane Yéhôva ja ve be, a be ne ôjeja’a ya su’u akônda. Ye wo fe wo wô’ôtan nalé a lat a akônda dôé?

1. Aval avé bi ne belan éyoñe jangan a ngule jangan asu na bi su’u akônda?

Môt ase a ne su’u akônda. Ye benya bôtô nge mimbômbôk mi ne akônda dôé? Ô ne volô be na be zu tabe bisulan? Ye ô ne volô be asu bisaé biziñ, aval ane e bo makit nge ke bisaé ya nda? (Lañe’e Jacques 1:​27.) Ô ne fe nyoñe ngap ésaé mfuban a nkômane Meba m’Éjôé. Teke môt éziñ a yemete bia na bi bo de. Nye’an bia nye’e Zambe a bobejañ a besita bangan ñwô wo tindi bia na “bi bo meva’a ya ve [biabebien]” asu dap.​—Besam 110:3.

Bekañete mbamba foé be dubaneya be ne ngule ya bo mam mefe. Bobejañ be ne éwôlô nsisim be ne ngule ya bo bediakon, a su’ulane bo bemvendé. Bobejañ a besita be ne ngule ya kôme su’u ésaé nkañete éyoñe ba nyoñ ésaé nkpwa’a mefan. Bengaa be Yéhôva béziñ be ne ke su’u ésaé nlôñane meba bia belane me asu ékaña’a. Ba bevo’o ki be wô’ô ke su’u mekônda ya vôme bekañete mbamba foé ba jemban.

2. Aval avé bi ne belane biôm bi mo biangan na bi su’u akônda?

Bi ne ‘kañe Yéhôva a biôm [biangan].’ (Minkana 3:9) Bi ne meva’a ya belane moné wongan a biôm bi mo biangan asu na bi su’u akônda dangan, a ésaé nkañete ja bobane si se. (Lañe’e 2 Becorinthien 9:7.) Mimvean miangan mia volô fe na bi su’u bobejañ ba tôbane bibubua. Abui bobejañ da “naane jôm nda” mban asu na be bo mimvean. (Lañe’e 1 Becorinthien 16:2.) Bi ne futi mimveane miangan minkobe mi ne bevôme bi wô’ô bo bisulan, nge ke nkol e donate.jw.org. Bi ne liti Yéhôva na bia nye’e nye éyoñe bia belane biôm bi mo biangan na bi su’u ékôane jé.

TUKA’A FAK

3. Bi ne ve biôm bi mo biangan

Yéhôva ba Yésus ba nye’e bôt be ne meva’a ya bo mimvean. Éve’an é ne na, Yésus a nga se’e nzôzoé nkuse minga éziñ ô nga ve ngule ya bo mvean. Lañe’e Luc 21:​1-4, mvuse ya valé, yala’ane minsili mi:

• Ye mimvean miôé mia yiane bo abui asu na ô ve Yéhôva nlem avak?

• Aval avé Yéhôva ba Yésus ba wô’ôtan éyoñe bia bo mimvean a mbamba nlem?

Asu na ô yem aval avé ba belane mimveane miangan, futi’i VIDÉO. Mvuse ya valé, yala’ane nsili wu:

VIDÉO: ’Bo’o Yéhôva mimvean a nye’an ôse’ (4:​47)

• Aval avé bia belane mimvean asu na bi su’u mekônda ya si se?

4. Ô ne ve womien asu ésaé Yéhôva

Bebo bisaé be Yéhôva ya melu mvus be mbe be sae’ek a nlem ôse asu na be ba’ale bevôme be mbe be kañe’e Yéhôva mvo’é. Asu na be bo de, e nji be e sili’i ve na be ve moné. Lañe’e 2 Minkañete 34:​9-​11, mvuse ya valé, yala’ane nsili wu:

• Aval avé mone Israëlite ase a mbe a su’u ésaé é mbe é boba’an nda Zambe, nge ke bevôm bevok be mbe be kañe’e Yéhôva?

Asu na ô yen aval avé Bengaa be Yéhôva ba tôñ éve’ela éte, futi’i VIDÉO. Mvuse ya valé, yala’ane minsili mi:

VIDÉO: Bi yeme ba’ale Meba m’Éjôé mangan (3:​31)

• Amu jé e ne mfi na bi ba’ale Meba m’Éjôé mangan mfuban a na bi kôme me?

• Mam mevé ô ne bo asu na ô su’u ésaé éte?

5. Bobejañ be ne ve ngule ya be’e mimbe’e

Kalate Zambe a lebe Bekristen bese be ne befam na be su’u akônda a ngule jap ése. Asu na ô yen aval avé be ne bo de, futi’i VIDÉO. Mvuse ya valé yala’ane nsili wo tôé valé.

VIDÉO: A bobejañ, nyoñané ntyi’an ya su’u akônda (5:​19)

• Aval avé Ryan a nga ve ngule ya tu’a su’u akônda dé?

Kalate Zambe a timine mame Kristen é ne fam ja yiane bo asu na é tebe diakon a mvendé. Lañe’e 1 Timothée 3:​1-​13, mvuse ya valé yala’ane minsili mi:

• Jé Bekristen bese be ne befam ba kômbô bo bediakon nge bemvendé ba yiane bo?

• Jé ke bibu’a ya menda me bôte map bia yiane bo?​—Fombô’ éfus 4 a 11.

• Éyoñe bobejañ ba biban asu na be bo mam mete, aval avé ébu’a ése ya akônda ja bu’uban?

ÔBALEBAS

Yéhôva a ne mevak éyoñe bia belan éyoñe jangan, ngule jangan, a biôm bi mo biangan na bi su’u ékôane jé.

Ô ne yalan aya?

• Aval avé bi ne belan éyoñe jangan a ngule jangan asu na bi su’u akônda?

• Aval avé bi ne belane biôm bi mo biangan asu na bi su’u akônda?

• Mam mevé wo kômbô bo asu na ô su’u akônda?

MAM MEFE ME NE VOLÔ WO

Yene’ amu jé Zambe a sili ki fe bebo bisaé bé ngab awômô den.

“La dîme : Que dit la Bible à ce sujet ?” (Ô ne koone nye anjeñe mefoé dangan)

Kalate Zambe a jô na befam be dubaneya mbe ba yiane bo bisaé biziñ. Ve jé a jô éyoñe da kui na binga be dubaneya ba yiane bo mame befam ba too be bo’ok?

“Abim éjôé avé bemvendé be bili akônda?” (Nkume mmombô a bete ya Ngone baa ya mbu 2021)

Yene’ aval avé bobejañe béziñ be nga ve ngule na be ke ve bobejañ a besita befe bekalate.

Ba kee bekalate Congo (4:25)

Yene’e nsela’ane a ne zañ avale bia bi moné ya su’u bisaé biangan a avale miñyebe mivok mia bo.

“Nne moné Bengaa be Yéhôva ba bo nye mam a so vé?” (Ô ne koone nye anjeñe mefoé dangan)