NLÔ AJÔ 45

Aval avé bi ne liti na bia nyoñe ki ngab a mame ya émo ji?

Nyô a ne ntilan

Yésus a nga jô beyé’é bé na be “nji bo bôte ya si nyô.” (Jean 15:19) Nalé a tinane na ba yiane ki nyoñe ngabe a mame me pôlitik, nge ke bita bia boban émo ji. Ve nya ajôô a ne na, e nji bo tyi’ibi éyoñ ése na bi bo de. Bôte be ne kpwe’ele bia amu bia bene nyoñe ngabe a mame mete. Aval avé bi ne tebe ne bip a wulu ba’aba’a a Yéhôva Zambe?

1. Aval avé benya Bekristen ba yene bijôé ya si nyi?

Bekristen ba semé bijôé ya émo ji. Ba tôñ abendé Yésus di: “Va’ane César biôm bi César.” Nalé a tinane na, bia tôñe metiñe ya si bi too aval ane ñya’ane toya. (Marc 12:17) Kalate Zambe a jô na bijôé ya émo ji bi tele amu Yéhôva a kañese na bi jôé. (Beromain 13:1) Nalé a tinane na, bijôé bite bi bili ki abim éjôé Zambe a bili. Bia yeme na Zambe wongan é belan Éjôé jé asu na a vaa minju’u mise môt a binam a tôbane mie si va.

2. Aval avé bi ne liti na bia nyoñe ke ngab a mame ya émo ji?

Aval ane Yésus, bia nyoñe ke ngab a mam me pôlitik. Môs éziñ, éyoñe bôte be nga yen ane Yésus a bo asimba, be nga jeñe na be telé nye njôô wop, ve a nji kañese. (Jean 6:15) Amu jé a nga ben? Émien a nga yalane na: ‘Éjôé jam é nji bo éjôé ya si nyô.’ (Jean 18:36) Mbôle bi ne beyé’é be Yésus, bia liti na bia nyoñe ki ngab a mame me pôlitik a bita bia boban émo ji. Éve’an é ne na, bi ne teke ke bo bita. (Lañe’e Michée 4:3.) Bia semé mendeme ya ayoñ aval ane nlinga, ve bia kañe ki me. (1 Jean 5:21) Nde fe na, bia su’u ki nge wosan ngame pôlitik éziñ nge ke môt éziñ. Éyoñe bia bo nalé, bia liti na bia su’u Éjôé Zambe a ngule jangan ése.

TUKA’A FAK

Yene’e mam me ne bo na ô yen ayaé ya kandan a mam me pôlitik, a aval avé ô ne nyoñe mintyi’ane mia ve Yéhôva nlem avak.

Môt éziñ a nyoñe ke ngab a mam me pôlitik. A nyoñe ki éyoñe ya vô’ôlô bengaka’a bôte be pôlitik ba bo minkunda mi bôte ba su’u be.

3. Benya Bekristen ba nyoñe ki ngab a mame me pôlitik

Yésus ba beyé’é bé be nga liti bia mbamba éve’ela ya tôñ. Lañe’e Beromain 13:1, 5-7 a 1 Pierre 2:13, 14. Mvuse ya valé, futi’i VIDÉO, a yala’ane minsili mi:

VIDÉO: Bekristene be ne teke nyoñe ngabe mame me pôlitik (Ngap 1) (4:28)

Amu jé bia yiane semé bôte be bili éjôé émo ji?
Aval avé bi ne liti na bia bo be mewôk?

Éyoñe bita bia bôlé, meyoñ méziñ me wô’ô jô na ma nyoñe ki ngap été, ve biyoñe biziñ be wô’ô su’u minkane bita mia wosan. Aval avé bi ne kôme liti na bia nyoñe ke ngab a mame me pôtilik nge ke bita? Lañe’e Jean 17:16. Mvuse ya valé, futi’i VIDÉO, a yala’ane nsili wu:

VIDÉO: Bekristene be ne teke nyoñe ngabe mame me pôlitik (Ngap 2) (3:11)

Jé ja tinane na e bo te nyoñe ngab a mame me pôlitik?

Jé ô ne bo nge bijôé bia sili wo na ô bo jam da tyam atiñe Zambe? Lañe’e Mam minlôman 5:28, 29. Mvuse ya valé, futi’i VIDÉO, a yala’ane minsili mi:

VIDÉO: Bekristene be ne teke nyoñe ngabe mame me pôlitik (Ngap 3) (1:18)

Éyoñ atiñ môt a binam da lu’ane ki a atiñe Zambe, atiñe za bia yiane tôñ?
Tame simesane biyoñ bife Kristen é ne tyi’i na ja bo ki bijôé mewôk?

4. Liti’i mimboon a asimesane dôé na wo sa’ale mam me pôlitik

Lañe’e 1 Jean 5:21. Mvuse ya valé, futi’i VIDÉO a yala’ane minsili mi:

VIDÉO: Benya Bekristene ba yiane bo ayo’o nleme na be ke ôsu a kandan a émo (2:49)

Amu jé Ayenge a nga tyi’i na a nyoñe ke ngab a mam me pôlitik nge ke wumulu mebôk a mendeme ya ayoñ aval ane nlinga?
Ye wo simesane na a nga nyoñe mbamba ntyi’an?

Mam mevé mefe me ne telé mbunane wongane meve’ele été? Futi’i VIDÉO, mvuse ya valé, yala’ane minsili mi:

VIDÉO: Miñye’elan bia nyoñe Nkume mmombô a bete: Te nyoñe ngap a mam ya émo é ne mengame mengam ji (5:16)

Aval avé bi ne bo teke su’u ngam éziñ éyoñ mesi mebaé ma lé ébuma nge ke mam mefe?
Aval avé bi ne bo te nyoñe ngab a mame me pôlitik a too ke na mintyi’an bôte ba bo pôlitik ba nyoñ mi wô’ô nambe binyiñe biangan?
Aval avé mefoé bia wôk a mewoso mangan me ne bo na bi yen ayaé ya bo te nyoñe ngab a mam me pôlitik?

Mam bia yen befôtô: 1. Ngunda bôte wo wô’ô ôlun, wo bete bepancarte yôp. 2. Fam éziñ é ne meva’a été, ja bete nlinga yôp asu na a suk ayoñ dé. 3. Mongô sikôlô a yia jia ya ayoñ. 4. Mone bezimbi a bili ngale mo. 5. Bôte be pôlitik bebaé ba sañetan. 6. Minga a fiti afebe vôte urne été. — Biyoñ bivé Kristen ja yiane bo te nyoñe ngab a mame me pôlitik ôsimesane wé a imboon mié?

MÔT A NE SILI NA: “Amu jé wo ba’a ke nlinga nge ke yia jia ya ayoñ?”

Wo ye yalan aya?

ÔBALEBAS

Bekristen ba yiane ve ngul ése na be bo teke nyoñe ngab a mam me pôlitik a zen éziñ, nge ôsimesane wop, mam ba jô, nge ke mimboone miap.

Ô ne yalan aya?

Jé bia yiane ve bijôé ya émo ji?
Amu jé bia nyoñe ke ngab a mame me pôlitik ya émo ji?
Mam mevé me ne telé mbunane wongan meve’ele été?

Môse wo te mane yé’é nlô ajô wu:

Jôm ô ne bo

Simesa’an jam éziñ é tii a mam me pôlitik e ne telé mbunane wôé meve’ele été, a fase jam wé jô a bo.

Nge ke:

Your other goal

MAM MEFE ME NE VOLÔ WO

Aval avé bi ne sa’ale mame me pôlitik?

Yéhôva a nji li’i bia étam (3:14)

Jé menda me bôt me ne bo asu na me kômesan éyoñe mbunane wop wé tebe meve’ele été a lat a mame me pôlitik?

Ba’ale’ été ndeba’a étame jôé été ése ô ne tebe (4:25)

Amu jé bi vo’o jô na éyoñ môt a ke kaman ayoñ dé, a bili beta mvom?

“Zambe a ne ngule ya bo mam mese” (5:19)

Yene’ aval avé môt a ne sa’ale mame me pôlitik éyoñ a kômbô nyoñe mintyi’ane miziñ a lat a asu ésaé dé.

“Chacun portera sa propre charge” (Nkume mmombô a bete ya Ngone lale é too melu 15, mbu 2006)