Va’a Yéhôva ba Yésus akéva amu mbamba jam be nga bo asu dôé

Ô wô’ô wô’ôtan aya éyoñe mvôé jôé éziñ ja ve wo abeñe mone das? Teke bisô na ô wô’ô wôk abui meva’a, a ve mvôé jôé akiba. Yéhôva ba Yésus be nga ve wo dase da dañ avale das ése môt a ne ve wo. A ne dase fé, a aval avé ô ne ve Yéhôva ba Yésus akiba amu mbamba das ate?

1. Jam avé bi ne bo asu na bi ve Yéhôva ba Yésus akiba amu mbamba jam be nga bo bia?

Bible a jô na “môt a buni [Yésus]” é bi ényiñ ya melu mese. (Jean 3:​16) Aval avé bi ne bo de? Bia yiane liti mbunane wongan a zene ya mintyi’ane bia nyoñ, a mame bia bo. (Jacques 2:​17) Éyoñ bia bo nalé, bia yemete élate jangan a Yésus ba Ésaa wé, Yéhôva.​—Lañe’e Jean 14:21.

2. Bi ne liti na bia ve Yéhôva ba Yésus akiba asu jame be nga bo bia éyoñ bia tabe ésulan évé?

Ngô’é be nga zu bi Yésus na ba ke wôé nye, a nga kate beyé’é bé jam afe be ne bo asu na be ve Yéhôva akiba amu ntañ. A nga sulane be asu na a bôndé “Tawôla Tate,” nnye fe ba loone na, Mesimesa’ane ya awu Krist. (1 Becorinthien 11:20) Yésus a mbe a yi na minlômane mié, a benya Bekristen bese be ke ôsu a simesane na a nga ve ényiñ jé asu dangan. A nga jô na: “Boka’an mi boane jame di, mi simesa’ane ma.” (Luc 22:19) Éyoñe bia tabe Mesimesa’ane, bia liti na bia ve Yéhôva ba Yésus akiba amu beta nye’ane be nga nye’e bia.

TUKA’A FAK

3. Jé ô ne bo asu na ô ve Yéhôva ba Yésus akiba

Bi tame jô na wo ku ôsôé, a too ke na wo yeme ke jok, éyoñe te môt éziñ a nyii wo. Ye ô ne vuane jame môt ate a nga bo wo tyi’ibi? Nge ke na wé jeñe mezene ya ve nye akiba asu mbamba jam a nga bo wo?

Amu mvame Yéhôva, bi bili ndi nleme ya nyiñ nnôm éto. Lañe’e 1 Jean 4:​8-​10, mvuse ya valé, yala’ane minsili mi:

• Amu jé ntañ ô ne édima das?

• Wo wô’ôtan aya éyoñe wo simesane jame Yéhôva ba Yésus be nga bo asu dôé?

Aval avé ô ne ve Yéhôva ba Yésus akéva amu dase be nga ve wo? Lañe’e 2 Becorinthien 5:​15 a 1 Jean 4:​11; 5:3. Éyoñ ô maneya lañ éfus ése ya été, yala’ane nsili wu:

• Éfus éte ja liti na ô ne bo jé asu na ô ve Yéhôva ba Yésus akéva?

4. Jene’e na ô vu Yésus

Zen éfe ya ve Yéhôva ba Yésus akéva é ne na ô vu Yésus. Lañe’e 1 Pierre 2:​21, mvuse ya valé, yala’ane nsili wu:

• Aval avé ô ne yeme tôñe bibô’a mebo bi Yésus?

5. Tabe’ ésulane ya Mesimesa’ane ya awu Yésus

Asu na ô yen avale Tawôla Tate ôsu a nga boban, lañe’e Luc 22:​14, 19, 20. Mvuse ya valé, yala’ane minsili mi:

• Jé é nga bobane Tawôla Tate?

• Fembé a wone bi ne ndeme ya jé?​—Fombô’ô bifuse 19 a 20.

Yésus a mbe a yi na beyé’é bé be ke ôsu a simesan awu dé mbu ôse éyoñe jia. Ajô te, Bengaa be Yéhôva ba sulane mbu ôse asu na be simesan awu Yésus Krist aval émien a nga jô. Asu na ô yem amu jé ésulan éte é ne nya mfii, futi’i VIDÉO. Mvuse ya valé, yala’ane nsili wu.

VIDÉO: Simesa’an awu Yésus (1:41)

• Ésulane ya Mesimesa’ane jé bo wo mfi ôvé?

Yésus a mbe a nye’e Mejô me Zambe a ésaé nkañetane mbamba foé, a mbe fe a volô’ô bôte bevok

ÔBALEBAS

Bia ve Yésus akiba amu jam a nga bo bia éyoñe bia buni ntañ, a éyoñ bia tabe Mesimesa’ane ya awu dé.

Ô ne yalan aya?

• E buni Yésus a tinan aya?

• Jé wo kômbô bo asu na ô ve Yéhôva ba Yésus akéva amu jame be nga bo asu dôé?

• Amu jé e ne angôndô ya mfi na ô tabe Mesimesa’ane ya awu Yésus?

MAM MEFE ME NE VOLÔ WO

Awu Yésus da ve bia nkômbane ya bo jé?

A nga belane nyule jé asu na a ve Yéhôva duma (9:28)

Yene’e mam mefe a lat a mbunan, a aval ô ne tu’a liti wô.

“Liti’i a mimboane na wo buni mengaka’a me Yéhôva” (Nkume mmombô a bete ya Ngon awomô, mbu 2016)

Lañe’e nkañete ô ne nlô ajô na “Je me sens pure et j’aime la vie,” a yen avale ntañ ô nga tyendé ényiñ minga éziñ.

“La Bible transforme des vies” (Nkume mmombô a bete ya Ngone mwomô é too alu 1, mbu 2011)

Yene’ amu jé fo’o ve mone doé bôt étam nnye a yiane di fembé a nyu wone ya Tawôla Tate.

“Amu jé avale Bengaa be Yéhôva ba bo Tawôlô a Tate da selan a miñyebe mivok?” (Ô ne koone nye anjeñe mefoé dangan)