Kay Bowt Peepl

Weh Jeezas Mi Du

VEEDYO: Jeezas ahn di Laydi da di Wel

1. Wach di VEEDYO, er reed Jan 4:​6-9. Den aks yuself dehnya kweschanz:

1. Weh Jeezas noatis bowt di laydi bifoa hihn staat taak tu ahn?

2. Jeezas staat aaf di seh: “Pleez gi mi sohn waata fi jrink.” Wai dis da-mi wahn gud way fi staat di kanvasayshan?

Weh Wi Laan Fahn Jeezas?

2. If wi staat aaf di taak bowt sohnting weh peepl kansaan bowt den moa dan laikli wi wahn ga wahn gud kanvasayshan wid dehn.

Bee Laik Jeezas

3. Bee wilin fi mek chaynjiz. Noh feel laik yu haftu stik tu weh yu mi don plan fi seh. Insted, staat aaf wid sohnting weh peepl kansaan bowt tudeh. Aks yuself dehnya kweschanz:

1. ‘Weh deh pahn di nyooz?ʼ

2. ‘Weh mi naybaz, peepl Ah werk wid, er goh da skool wid di taak bowt?ʼ

4. Noatis weh deh rong yu. Aks yuself dehnya kweschanz:

1. ‘Weh di persn di du? Weh ih mait di tink bowt?ʼ

2. ‘Weh di persn kloaz, hows, er how ih luk tel mi bowt ih bakgrong er weh ih bileev eena?ʼ

3. ‘Dis da wahn gud taim fi taak tu ahn?ʼ

5. Lisn tu di persn.

1. Noh taak tu moch.

2. Mek it eezi fi di persn taak bowt weh deh pan ih main ahn lisn tu ahn. Pik di rait taim fi aks kweschanz.