Kip Aan Di Wayt Pahn Jehoava ahn Noh Giv Op

Da how lang yu di wayt fi mek Gaad Kingdom kohn? Yoo di bayr op eevn doa yu di goh chroo haad taimz? (Roam 8:25) Peepl eena dis werl hayt som a wi bradaz, chreet dehn bad, lak dehn op da jayl, er eevn chrai kil dehn. Lata ada bradaz hafu deel wid seeryos helt prablemz er oal ayj.

Weh ku help wi fi wayt pahn Jehoava wen wi di fays wahn chraiyal? Evri day, wi need fi reed di Baibl ahn meditayt soh dat wi fayt geh schranga. Wi need fi foakos pahn wi hoap. (2Kor 4:16-18; Heeb 12:2) Wi haftu bayg Jehoava eena pryaa fi giv wi di powa a ih hoali spirit. (Lk 11:10, 13; Heeb 5:7) Wi Pa weh lov wi soh moch ku help wi fi ‘bayr evriting wid lata payshens ahn ga wahn hapi haat.ʼ—Kol 1:11.

WACH DI VEEDYO WI HAFU ‘RON DI RAYS AHN NOH GIV OPʼ—BEE SHOAR SEH YU WAHN WIN DI PRAIZ, AHN DEN ANSA DEHNYA KWESCHANZ:

• 

  Weh “tingz weh wi noh ekspek” hapm tu wi? (Ec 9:11)

• 

  How pryaa ku help wee wen wi fays chraiyalz?

• 

  If wi kyaahn du az moch eena Jehoava servis laik weh wi yoostu du bifoa, wai wi shuda foakos pahn weh wi ku stil du now?

• 

  Weh di help yu fi stay kanfident dat yu wahn win di praiz?