Humoch Yoo Reeli Lov Di Werd a Gaad?

Di Baibl kohn fahn Gaad. Ih gat een fi hihn taats ahn weh ih seh. (2Peet 1:20, 21) Di Baibl proov dat Gaad ga di rait fi rool oava evriting ahn dat fi hihn Kingdom wahn bring wahn en tu aala wi prablemz. Dis gi wi hoap. Di Baibl aalso tel wi bowt di lovin kwalitiz weh wi hevnli Faada, Jehoava ga.—Ps 86:15.

Eech wan a wi ga wi oan reezn wai wi lov di Baibl. Wen wi reed di Baibl evriday ahn du weh ih seh, wi shoa dat wi apreeshiayt it. Bai wi akshan wi proov dat wi agree wid how di saamis mi feel wen ih seh: “Ah reeli lov yu Laa!”—Ps 119:97.

WACH DI VEEDYO DEHN MI REELI LOV DI BAIBL—VEEDYO KLIP (WILLIAM TYNDALE), AHN DEN ANSA DEHNYA KWESCHANZ:

• 

  Wai William Tyndale mi chranslayt sohn paats a di Baibl?

• Wai di efoat weh hihn mi mek fi chranslayt di Baibl mi soh amayzin?

• Weh dehn mi haftu du fi geh kapiz a Tyndale Baibl intu England?

• How eech wan a wi ku shoa dat wee reeli lov Gaad Werd?