Stay Schrang az di En Geh Kloasa

WAI IH IMPOATANT: Soon, sohn ivent wahn tek plays weh wahn tes wi korij ahn fayt eena Jehoava. Wen Jehoava dischrai faals rilijan, dat wahn bee di staat a di grayt chribyulayshan. (Ma 24:21; Rev 17:16, 17) Joorin da taim, wi mait haftu preech wahn jojment mesij. (Rev 16:21) Gag a Maygag wahn atak wi. (Eze 38:10-12, 14-16) Ahn Jehoava wahn difen ih peepl wen ih bring fi hihn grayt day ahn shoa fi hihn powa. (Rev 16:14, 16) Fi bil op wi korij bifoa dehnya ivent tek plays, wi need fi stay laayal tu Jehoava weneva wi fays eni sichuwayshan weh mait tes wi fayt.

HOW FI DU IT:

• Ga korij wen yu di difen Jehoava standadz, ahn shoa dat yu di yooz dehn eena yu laif. —Isa 5:20

• Kantinyu wership Jehoava lang wid yu bradaz ahn sistaz.—Hee 10:24, 25

• Weneva Jehoava giv inschrokshanz chroo ih aaganaizayshan, aalwayz bee redi fi obay dehn.—Hee 13:17

• Meditayt pahn how Jehoava sayv ih peepl eena di paas.—2Pe 2:9

• Pray tu Jehoava, ahn chros eena ahn. —Ps 112:7, 8

WACH DI VEEDYO WI WAHN NEED FI GA KORIJ FI FAYS TINGZ WEH WAHN HAPM EENA DI FYOOCHA—VEEDYO KLIP, AHN DEN ANSA DEHNYA KWESCHAN:

• 

  Weh tes di poblishaz eena wan kangrigayshan mi fays wen dehn mi jain op wid sohn ada kangrigayshan?

• 

  Wen wi obeedyant, how dat help wi fi bil op wi korij?

• 

  Wen Armagedon kom, wai wi wahn need fi ga korij?

• 

  Wat da wahn Baibl akonk weh ku schrentn wi fayt dat Jehoava ga di powa fi sayv wi?—2Ch 20:1-24