Ih Noh tu Haad fi Ga Korij

Wahn persn weh ga korij schrang ahn brayv. Bot dat noh meenz dat ih wahn neva feel frayd. Insted, ih du sohnting fi fait ih fyaaz. Jehoava da di Wan weh chroo korij kohn fram. (Ps 28:7) How yong peepl ku shoa dat dehn ga korij?

WACH DI VEEDYO WEH NAYM NOH KAPI DEHN WAN WEH KOWAD, BEE LAIK DEHN WAN WEH GA KORIJ! AHN DEN ANSA DEHNYA KWESCHAN:

• Weh sichuwayshan yong peepl fain dehnself eena weh dehn need fi shoa korij?

• Wat da sohn Baibl akonk weh teech wi fi ga korij?

• How wee an adaz benifit wen wi shoa korij?