Shoa Kompashan

Wen wi ga kompashan wi wahn ku andastan how ada peepl tink ahn feel, weh dehn need, ahn weh impoatant tu dehn. Peepl ku tel if wi reeli ga kompashan fi dehn. If wi reeli waahn help peepl, den wi wahn shoa dehn kompashan. Wen wi shoa kompashan eena di minischri, wi di kapi Jehoava egzampl, ahn dat mek peepl waahn geh fi noa ahn.—Fil 2:4.

Kompashan da noh wahn tool weh wi yooz wen wi di teech peepl. Wi shoa kompashan eena di way how wi lisn, di way how wi taak, di atichood weh wi shoa, di jeschaz weh wi yooz, ahn di luk pahn wi fays. Wi aalso shoa kompashan wen wi shoa peepl dat wi reeli kay bowt dehn. Wi geh fi noa weh dehn laik, weh dehn bileev, ahn weh di hapm eena dehn laif. Wi chrai gi dehn gud advais ahn wi chrai fi help dehn, bot wi noh foas dehn fi chaynj. Wen dehn aksep wi help, wi feel eevn hapiya.

WACH DI VEEDYO WEH NAYM FEEL DI JAI WI FEEL WEN WI MEK DISAIPLZ—DU BETA EENA DI MINISCHRI—SHOA KOMPASHAN, AHN DEN ANSA DEHNYA KWESCHAN:

• 

  How Neeta mi shoa kompashan wen Jade mi reech layt fi ih stodi?

• 

  How Neeta mi shoa kompashan wen Jade tel ahn dat ih mi tu schres owt fi stodi?

• 

  How Neeta mi shoa kompashan wen Jade tel ahn dat fi shee hows noh aaganaiz?