Aksep Help Fahn Wi Bradaz ahn Sistaz

Jehoava yooz wi bradaz ahn sistaz “aal rong di werl” fi help wi. (1Pe 5:9) Dehn ku help wi fays difrent chalenjiz eena di minischri ahn ga sokses. Fi egzampl, di apasl Paal mi geh help fahn Akwila ahn Prisila, Sailas, Timoti, an adaz.—Aks 18:1-5.

How yu bradaz ahn sistaz ku help yu eena di minischri? Dehn mait gi yu gud sojeshanz pahn how fi ansa kweschanz weh peepl mait gat, how fi mek ritern vizits, er how fi aafa ahn kandok Baibl stodiz. Tink bowt sohnbadi eena fi yoo kangrigayshan weh kuda help yu, ahn den aks dehn fi help. Fi shoar di too a unu wahn help eech ada, ahn unu wahn feel lata jai tu.—Fil 1:25.

WACH DI VEEDYO WEH NAYM FEEL DI JAI WI FEEL WEN WI MEK DISAIPLZ—AKSEP HELP FAHN JEHOAVA—WI BRADAZ AHN SISTAZ, AHN DEN ANSA DEHNYA KWESCHAN:

• 

  How Neeta mi chrai inkorij Jade fi goh da meetin?

• 

  Wai wi shuda invait ada poblishaz fi jain wi pahn wi Baibl stodi?

• 

  Weh Jade an Abigay mi ga in kaman?

• Wat da sohn skilz weh wi bradaz ahn sistaz ku teech wi fi help wi du beta eena di minischri?