Aal Prablemz Ga Wahn Day Wen Dehn Wahn En

Wi ku geh diskorij wen wi fays prablemz, espeshali if wi feel laik dehn di tek tu lang. Dayvid mi noa dat di prablem wid King Saal mi wahn haftu en som day, ahn dat hihn wahn geh fi bee king jos laik weh Jehoava mi pramis. (1Sa 16:13) Dayvid fayt mi help ahn fi bee payshent ahn wayt pahn Jehoava.

Wen wi di goh chroo chraiyalz, wi mait yooz di nalij er wizdom weh wi ga fi chaynj wi sichuwayshan. (1Sa 21:12-14; Pr 1:4) Bot sohn prablemz mait kantinyu eevn if wi du evriting weh wi kud fi fala Baibl prinsiplz. Eena dehnya sichuwayshan, wi haftu bee payshent ahn wayt pahn Jehoava. Soon hihn wahn geh rid a aala wi sofarin ahn “waip weh [wi] tyaaz fahn [wi] aiy.” (Rev 21:4) Weda wi geh rileef bikaaz a sohnting weh Jehoava du fi fiks wi prablem, er bikaaz a sohnting els, wee ku bee shoar a dis: Aal prablemz ga wahn day wen dehn wahn en. Dis ku reeli komfert wi.

WACH DI VEEDYO WEH NAYM PEEPL WEH YOONAITID EENA WAHN WERL WEH DIVAID OP, AHN DEN ANSA DEHNYA KWESCHAN:

• Wat da sohn chalenjiz weh sohn Kristyanz weh liv da di sowt paat a di United States mi fays?

• How dehn mi shoa lov ahn payshens?

• Weh mi help dehn fi kantinyu foakos pahn “di moa impoatant tingz”?—Fil 1:10