CHREZHAZ FAHN DI WERD A GAAD

Mek Waiz Disizhanz Wen Yu Di Chooz Wahn Marij Mayt

Salaman neva shoa wizdom wen ih disaid fi marid laydi weh wership faals gaadz (1Ki 11:1, 2; w18.07 18 ¶7)

Az taim mi paas, Salaman waif dehn mi afek di way ih tink soh dat ih ton weh fahn Jehoava (1Ki 11:3-6; w19.01 15 ¶6)

Jehoava mi geh beks bad wid Salaman (1Ki 11:9, 10; w18.07 19 ¶9)

Di picha dehn: Wahn singl sista di du persnal Baibl stodi an ih di tink bowt wahn singl brada. 1. Di brada di koment da wahn kangrigayshan meetin. 2. Ih di tek paat eena poblik witnisin. 3. Ih di help mantayn di Kingdom Haal.

Gaad Werd gi advais tu singl bradaz ahn sistaz fi geh marid tu sohnbadi weh da “wahn falowa a di Laad.” (1Ko 7:39) Bot jos bikaaz da persn baptaiz, dat noh meenz dat ih wahn bee wahn gud marij mayt. Aks yuself: ‘Dis persn wahn help mi lov ahn serv Jehoava wid aala mi haat? Dis persn shoa dat ih reeli lov Jehoava?’ Bifoa yu agree fi geh marid, tek yu taim fi geh fi noa di persn reeli gud.