Yoo Di Yooz di Aadyo Baibl?

Wat da di aadyo Baibl? Di aadyo Baibl da wahn rikaadn a di nyoo verzhan a di New World Translation. Lee bit bai lee bit ih wahn avaylabl eena lat moa langwij. Sohnting weh reeli nais bowt di aadyo Baibl da dat ih yooz wahn difrent vais fi eech Baibl karakta. Dehn mek shoar dehn reed di werdz wid di prapa feelin soh dat dehn ku gi di karek mesij weh deh eena di Baibl.

How sohn peepl benifit wen dehn lisn tu di aadyo Baibl? Lata peepl weh lisn tu di aadyo Baibl lov hyaa how di reedin bring Gaad Werd tu laif. Wen dehn hyaa wahn difrent vais fi eech Baibl karakta, dehn feel laik dehn ku reeli imajin weh di hapm eena di Baibl an andastan it beta. (Pr 4:5) Wahn lata peepl aalso laik lisn tu di aadyo bikaaz ih mek dehn feel kaam wen dehn di wori.—Ps 94:19.

Fi hyaa Gaad Werd owt lowd ku benifit wee eena wahn powaful way. (2Ch 34:19-21) If di aadyo rikaadn fi di hoal Baibl er paat a it deh eena wahn langwij weh yu ku andastan, chrai mek it yu goal fi lisn tu it moa aafn.

WACH DI VEEDYO WEH NAYM HOW DEHN MEK DI AADYO BAIBL—VEEDYO KLIP, AHN DEN ANSA DIS KWESCHAN:

Weh yoo laik bowt di way how dehn mek di aadyo Baibl?