Tingz Weh Ku Help Yu Reed Yu Baibl Evri Day

Laif bizi, an aala wi ga lata tingz fi du. Yoo eva schrogl fi fain taim fi reed di Baibl evri day? (Jash. 1:8) If dat da di kays, chrai wan a dehnya sojeshan:

• Set wahn rimainda. Set wahn alaam pahn yu foan fi rimain yu evri day fi reed yu Baibl.

• Kip yu Baibl sohnweh weh yu ku seeʼt. If yu reed fahn wahn printid kapi a di Baibl, put it sohnweh weh yu ku seeʼt evri day.—Dyoo. 11:18.

• Lisn tu di aadyo rikaadn. Wen yu di du tingz rong yu hows, lisn tu di aadyo rikaadn a di Baibl. Wahn painyaa sista weh naym Tara ga pikni an ih werk da nait. Shee seh, “Wen Ah lisn tu di aadyo Baibl wail Ah di du mi howswerk, dat help mi fi kip op wid mi Baibl reedin.”

• Chrai noh stap. If sohnting hapm ahn yu kyaahn reed yu Baibl da di taim weh yu set, chrai reed at lees wahn fyoo vers bifoa yu goh sleep. Eevn if yu onli geh fi reed wahn lee bit evri day, yu wahn stil benifit.—1 Peet. 2:2.