Kokkinakis v. Greece: Droit réservé
Tap pichaz fahn lef tu rait: West Virginia State Board of Education v. Barnette; Kokkinakis v. Greece; Batam pichaz fahn lef tu rait: Cha ahn Adaz v. South Korea; Taganrog LRO ahn Adaz v. Russia
LIV YU LAIF AZ WAHN KRISTYAN
“Difen di Gud Nyooz ahn Yooz di Laa fi Geh di Rait fi Preech”
Wen di nayshan dehn mi-di chrai stap di Izrelaits fahn bil bak di templ, di Izrelaits mi yooz di laa fi help dehn geh di rait fi kantinyu di werk weh dehn mi-di du. (Ezr 5:11-16) Saym way soh, Kristyanz werk haad fi difen di gud nyooz ahn yooz di laa fi geh di rait fi preech. (Fil 1:7) Dat da di reezn wai di werl hedkwaataz mi staat op wahn Leegal Dipaatment eena 1936. Nowadayz, di Werl Hedkwaataz Leegal Dipaatment difen eniting weh ga fi du wid di Kingdom werk aal oava di werl. How dis dipaatment di help di Kingdom werk fi kantinyu, ahn how Gaad peepl benifit fahn dis help?
WACH DI VEEDYO WEH NAYM WAHN TOAR A DI LEEGAL DIPAATMENT DA WERL HEDKWAATAZ, AHN DEN ANSA DEHNYA KWESCHANZ:
Wat da sohn leegal prablemz weh Jehoava Witnisiz fays?
Wat da sohn leegal mataz weh wi win da koat? Gi wahn egzampl
Weh eech wan a wi ku du fi “difen di gud nyooz ahn yooz di laa fi geh di rait fi preech”?
Pahn wi websait, wehpaat wi ku fain nyooz bowt leegal mataz weh di afek wi bradaz ahn sistaz ahn wahn lis a Jehoava Witnisiz weh deh eena prizn bikaaz a dehn fayt?