Aal Oava di Werl Peepl Di Sofa Bikaaz a Haychrid

Pahn soashal meedya ahn pahn di nyooz, wi hyaa moa ahn moa bowt how peepl shoa haychrid. Fi egzampl, peepl yooz di Intanet, dehn sen letaz, er dehn komit kraim gens peepl fahn wahn difrent rays. Ahn wahn lata peepl sofa bikaaz peepl prejudis tuwaadz dehn, dehn provoak dehn, dehn insolt dehn, dehn chretn dehn, an dehn eevn dischrai dehn prapati. Haychrid deh evriway!

Dis magazeen shoa wi how wi ku geh rid a haychrid. Dis da noh jos wahn jreem. Dis da sohnting reel, an aal oava di werl peepl di staat tu geh rid a haychrid fahn dehn main ahn haat.