Mek Gud Yoos a di Ada Aatikl Dehn Eena Di Wachtowa

Wahn lata bradaz ahn sistaz yooz JW Library^® fi pripyaa fi di meetin dehn. Ahn dehn apreeshiayt how eezi ih eezi fi fain Di Wachtowa stodi aatikl dehn. Eena di stodi kapi a Di Wachtowa, yu ku aalwayz fain sohn ada aatikl weh gat een spirichwal food. Bot, how yu ku fain dehnya aatikl ahn benifit fahn it wen yu yooz JW Library?

• Pahn di en a evri stodi aatikl eena Di Wachtowa, dehn ga di sobhedin “Additional Reading.” Klik pahn di link andaneeta it weh seh, “Other articles in this issue.” Wen yu di goh chroo di lis a aatikl weh deh eena dis magazeen, yu wahn si di naym ahn nomba fi eech stodi aatikl. Klik pahn di ada aatikl weh yu wuda waahn reed.

• Pahn di JW Library hoam payj, eena di sekshan “Whatʼs New,” yu ku dongload di Di Wachtowa dehn az dehn geh rilees. Klik pan di magazeen weh yu dongload ahn goh chroo di lis a aatikl fi mek shoar dat yu benifit fahn aala di aatikl dehn.