Stodi Tip

Disaid Weh Yu Wahn Stodi Fers

Aala wi ga wahn set amonk a taim fi du persnal stodi. How wee ku mek shoar dat wee benifit wen wi di du wi persnal stodi? Wan way da fi mek shoar wi tek wi taim. Yu wahn laan wahn lat moa if yu stodi wahn lee bit a infamayshan dan if yu rosh chroo wahn lata infamayshan.

Ih aalso gud fi chooz weh yu wahn stodi fers. (If. 5:15, 16) Dehnya sojeshanz ku help yu du dat:

Reed di Baibl evri day. (Ps. 1:2) Fi reech dis goal, yu ku staat fala di Baibl reedin skejul fi di midweek meetin.
Pripyaa fi di Wachtowa Stodi ahn di midweek meetin soh dat yu ku koment.—Ps. 22:22.
Weneva yu ga taim, chrai kip op-tu-dayt wid ada spirichwal food, laik wi poblik magazeen, veedyo, an ada aatiklz weh deh pahn jw.org.
Plan wahn stodi proajek. Maybi yu ku du sohn risaach pahn wahn prablem weh yu di goh chroo. Dis wahn help yu fi fain wahn way fi help yu deel wid it. Er chrai fain di ansa tu wahn kweschan weh yu mait gat. Yu ku eevn stodi wahn Baibl tapik weh yu fain haad fi andastan. Yu ku fain ada aidyaaz pahn jw.org anda di sekshan weh naym “Bible Study Activities.”