Risaach Tip

Sohn Proajek fi Pikni

Payrents ga di impoatant rispansabiliti fi teech dehn chiljren bowt Jehoava. (Ifee. 6:4) Fi help dehn du dat, Jehoava aaganaizayshan ga wahn lata aatikl, sang, ahn veedyo weh ku help payrents teech dehn pikni bowt Jehoava. How payrents ku yooz dehndeh tingz fi help dehn pikni?

• Du risaach pahn JW.ORG. Rait deh, yu wahn fain wahn lata infamayshan weh eezi fi pikni andastan. Fi egzampl, dehn ga sohn veedyo weh dehn ku wach ahn proajek weh dehn ku du.a Fi fain it, yu ku taip di werd “Pikni” er “Teenayja” eena di saach baks.

• Pik sohnting weh ku help yu pikni. Di sekshan weh naym “Pikni” ku help yu fain sohn sang, veedyo, ahn proajek weh gud fi yu pikni. Fi fain it, yu ku taip di werdz “Tingz fi Pikni Du” eena di saach baks.

• Spen taim wid yu pikni. Noh yooz dehnya sang, veedyo, er proajek jos fi dischrak yu pikni wid sohnting fi du. Insted, tek taim fi du it wid dehn ahn help dehn fi bee frenz wid Jehoava.