Du Beta Eena Di Minischri—Help Peepl Weh Ga di ‘Rait Haat Kandishanʼ fi Bee Wahn Disaipl

WAI DIS IMPOATANT: Jehoava mek di seed a chroot groa eena di haat a peepl weh ga ‘di rait haat kandishan fi evalastin laif.ʼ (Aks 13:48; 1Kor 3:7) Wi werk lang wid Jehoava wen wi foakos wi efoat dehn pahn peepl weh rispan tu di gud nyooz. (1Kor 9:26) Wi Baibl styoodent dehn need fi andastan dat dehn hafu geh baptaiz soh dat dehn ku geh sayv. (1Peet 3:21) Wi help dehn fi bee wahn disaipl wen wi teech dehn how fi mek chaynjiz eena dehn laif, how fi preech ahn teech, ahn how fi dedikayt dehn laif tu Jehoava.—Mach 28:19, 20.

HOW FI DU IT:

• Rimain yu Baibl styoodent dehn dat di reezn wai dehn di stodi da fi help dehn ‘fi noaʼ Jehoava ahn fi pleez ahn.—Jan 17:3

• Help dehn fi get oava tingz weh di hoal dehn bak, laik bad habits ahn bad kompani, soh dat dehn ku mek proagres eena wahn spirichwal way

• Schrentn an inkorij dehn bifoa an afta dehn geh baptaiz.—Aks 14:22

WACH DI VEEDYO JEHOAVA GAAD WAHN HELP YU, AHN DEN ANSA DEHNYA KWESCHANZ:

• Weh kaina tingz ku hoal bak sohnbadi fahn dedikayshan ahn baptizm?

• Eena weh way di eldaz ku help di Baibl styoodent dehn fi mek proagres eena wahn spirichwal way?

• Weh Isaiah 41:10 teech wi bowt Jehoava?

• Weh da sohn kwaliti weh ku help wi fi serv Jehoava eena wahn way weh pleez hihn, eevn doa wi noh perfek?