HOW FI STAAT WAHN KANVASAYSHAN
LESN 4
Bee Hombl
Prinsipl: “Unu mos bee hombl ahn kansida ada peepl fi bee moa impoatant dan unu.”—Fil. 2:3.
Weh Paal Mi Du
1. Wach di VEEDYO, er reed Aks 26:2, 3. Den aks yuself dehnya kweschanz:
How Paal shoa dat ih hombl wen ih mi taak tu King Agripa?
How Paal shoa dat ih neva foakos pahn ihself bot insted jraa atenshan tu Jehoava ahn di Skripchaz?—Si Aks 26:22.
Weh Wi Laan Fahn Paal?
2. Ih eeziya fi peepl lisn tu wi mesij wen wi shoa dat wi hombl ahn ga rispek fi dehn.
Bee Laik Paal
3. Taak wid rispek. Noh mek peepl feel laik yu beta dan dehn bikaaz yu noa wahn lat moa bowt di Baibl.
4. Shoa dat weh yu teech kohn fahn di Baibl. Di mesij eena di Baibl ku afek di way wahn persn tink ahn feel. Wen wi yooz di Baibl, wi tek di foakos fahn wiself ahn put di foakos pahn di Baibl fi mek peepl fayt eena Gaad Werd geh schranga.
5. Stay kaam. Noh kip di chrai proov dat yoo rait. Wi noh waahn kwaaril wid nobadi. Insted, shoa dat yu hombl wen yu stay kaam ahn noa wen da di rait taim fi lef. (Prov. 17:14; Tai. 3:2) If yu stay kaam den praabli di persn wahn lisn tu di mesij wahn nada taim wen wi kohn bak.