Wahn Aynshent Buk Weh Yoosful fi Laif Tudeh

Fi egzampl, noatis weh sohn peepl seh bowt how dehn benifit wen dehn reed di Baibl ahn yooz di advais dehn eena dehn laif.

“Mai laif moch beta now. Di way Ai tink ahn feel geh moch beta. Ai feel moa kaam ahn hapiya.”—Fiona.

“Mai laif ga moch moa meenin sins Ah staat tu stodi di Baibl.”—Gnitko.

“Mai laif geh wahn lat beta. Now, Ah werk les an Ah ga moa taim fi spen wid mi famili.”—Andrew.

Dehn ga lat moa ekspeeryens laik dehnya. Wahn lata peepl rong di werl fain owt dat di Baibl gat een yoosful gaidans fi evriday laif.

Mek wi kansida how di Baibl ku help peepl improov . . .

• Dehn fizikal helt

• Dehn imoashanal helt

• Dehn famili laif ahn frenship

• Di way how dehn Manij Moni

• Dehn spirichwaliti

Di res a di aatikl dehn eena dis magazeen wahn shoa yu dat di Baibl da wahn buk fahn Gaad weh ku help yu eena praktikal wayz eena yu laif.