GIRIBU HUMÁ BISIDAÑA GÜRIGIA
ARUFUDAHANI 8
Gaguraasun humá
Adundehani tídangiñeti Bíbülia: “Le hínsiñehabubei gaguraasunti” (1 Ko. 13:4).
Le meha ladügübei Hesusu
1. Ariha huméi BIDÉU o aliiha huméi Huan 7:3-5 luma 1 Korintuna 15:3, 4, 7. Ábameti hasaminarun luagun álügüdahani burí le:
Ka meha igaburi harufudubei lamulenu Hesusu lidan lagumeseha?
Ida liña wasubudiruni meferidirun lani Hesusu lemenigin luagu lachülürüba lan meha weyu lun lafiñerun Santiagu le lamulen luagu?
Ka wafurendeirubei lúmagiñe Hesusu?
2. Añahein, fureseti hánharun lun uganu buiti, añahein amu, mégeitiña dan lun hadügüni, ligía mosu lubéi gaguraasun wamá.
Áyeiha huméi Hesusu
3. Houcha humá ámuñegueinarügü igaburi lun híderaguniña gürigia. Madügüdara humá luagu gürigia anhein maha leresibirun aban aturiahani tídangiñeti Bíbülia lau lóufudagun. Lau sun lira, anhein hariha buídubei lan lun hadügüni, yusu huméi burí bidéu o amu ariñahani lun harufuduni lun gürigia ida liña lan aturiahani tídangiñeti Bíbülia le wíchugubei luma kaba lan buiti lasagara anhein ánhara leresibiruni.
4. Metenira humá lun le ídanbei amu lan aban gürigia luéi amu. Ámuñegueinarügütiña gürigia hawariuagua. Anhein ásuha aban hiduhe o aban gürigia le habisidahabei lun lánharun lun aban aturiahani tídangiñeti Bíbülia o lun somu arufudahani, álügüdagua humá hungua ka lan uagu. Ladüga funa san weiri lan lafiñen luagu somu katei le arufudahóubei lun ligilisirugu? Hadügüdaruña funa san lubesinanigu o liduheñu luagu? Ru humá dan lun lun lasaminarun luagun le ayanuha humaalibei luma lun gebegi lan arufudahani le tídanbei Bíbülia lun.
5. Furíei humá luagu gürigia ligía. Amuriaha humá luma Heowá lun líderagunün arufuda lichú aau luma lun meferidirun humani hemenigin. Amuriaha humá giñe luma lun líderagunün asubudirei anhein le lubéi lúgubu mabusenrun lan gürigia ligía lafurendeirun masigi humaamuga abisidahei (1 Ko. 9:26).