Anihán le gayaraabei hadügüni lun haliihanu Bíbülia sagü weyu

Lau liibe beresegu, hénrenguti san hun haturiahanu Bíbülia sagü weyu? (Hos. 1:8). Anhein ítara liña lubéi, áfaagua humá lun hafalaruni adundehani burí le:

• Seti huméi alarma. Seti huméi hani alarma lidan higagamurun lun laritaguagüdünün óuraali lan lun haliihanu Bíbülia.

• Ígira humóun Bíbülia lidan aban fulasu le ñein lubéi gayara lan harihinu. Anhein haliihañoun lubéi Bíbülia to gárada-autu, fidí humóun lidan aban fulasu le ñein lubéi ménrengun lan hun lun harihinu (2 Lur. 11:18).

• Yusu humóun Bíbülia to aganbahóuarügüboun. Gayaraati haganbahanu Bíbülia dan le hadügüñein lan hifisiute. Ariñagatu Tara, aban úguchuru to eseriwiduboun kei prekursora, ani guñoun tawadigimarida: “Le íderagubalina lun meferidirun nani naliihanu Bíbülia, naganbahanu sun anaha lan adügei nifisiute múnada”.

• Houcha humá merederun humá ni aban weyu maliihanga humóun Bíbülia. Anhein asusereda somu katei le magurabúnti le adügübei lun siñá lan haliihanu Bíbülia lidan dan le aranse humaalibei, áfaagua humá lun haliihan íbini fiu bérusu lubaragiñe harounrun. Anhein hadüga ítara, harihuba buídubei lan lidin hun (1 Fe. 2:2).